Se bem o nosso blogue leva activo desde o dia 22 de Outubro deste ano, hoje fazemos umha semana desde que começamos a subir de jeito ininterrumpido umha pequena parte dos autocolantes que conformam a nossa colecçom. Nestes 7 dias tivemos um bom ritmo de publicaçom de entradas novas, superando a dúzia de entradas por dia.
Queriamos começar forte co fim de que houver um mínimo de fundo documental para que as primeiras pessoas em vissitar o blogue puidéram ter umha vissom geral o mais achegada possível ao que pretendiamos amossar nesta escolma. Também é certo que a ilussom coa que se começa em qualquer projecto dessinteressado têm muito a ver. Porém, apesar de que tentaremos manter um bom ritmo de postagens diárias, é possível que nos dias vindeiros, semanas ou meses por avatares próprios da vida laboral de cada quem nos vejamos obrigadas a dedicar-lhe menos atençom a este trabalho.
Já iremos vendo. Nós temos claro que este é um projecto a meio praço que se vai manter no tempo se conta com boa aceptaçom entre as visitantes. E os primeiros dias na rede apontam a que si. Há umha semana pensavamos que apenas nos visitariam quatro "pegatineros" ou algum coleccionador amigo, mas o certo é que sem publicidade ou difussom nemgumha mais que algum correio electrónico enviado à nossa agenda de contactos, conseguimos ultrapassar as 1000 visitas em 7 dias. O que nos paresce umha cifra bastante digna. Aínda que sabemos que nom podemos fazer muito casso a esse tipo de dados, que podem subir e baixar em funçom de muitas variáveis.
O que sim temos claro é que queremos continuar fazendo o nosso trabalho pensando que pode gustar ou que pode servir para algo ou para alguém. Aínda que só seja polo facto de digitalizar e ponher ao alcance de todas vós estos arquivos que igual alguém dava por perdidos nos tempos da História.
Parénteses coma esta, na publicaçom de autocolantes, nom vam ser mui habituais. Só queriamos fazer esta pequena reflexom quando só levamos umha semana na rede fazendo com esta as cem entradas e case os cem primeiros autocolantes. Esperamos chegar aos mil, e aos dez mil e...
Queremos também pedir-vos colaboraçom ajudando-nos a classificar, datar ou adjudicar autoria a aqueles adesivos dos que nom tenhamos essa informaçom. Também queriamos fazer um chamamento a aquelas pessoas que tenham autocolantes na casa sem saber que fazer com eles, pensando em desfazer-se de eles ou simplesmente lhes apeteça colaborar com nós a que no-los enviem ao nosso endereço (estariamos-lhes mui agradecidas):
N.V.G.
Apdo. 5388
15080 A Corunha
E por último, solicitamos-vos também que colaboredes com nós na promoçom deste blogue entre os vossos contactos ou bem pedindo-nos o banner no correio electrónico para o vosso blogue ou web. Para qualquer cousa que queirades comentar, aportar ou criticar também nos podedes atopar aí. Saúdos.
Nenhum comentário:
Postar um comentário