Outro das Nenas da Revolta pola libertaçom animal

A denúncia da tortura animal é umha constante na trajectótia das viguesas Nenas da Revolta nom só nas suas letras senom também nos autocolantes editados por este colectivo político-musical. Anos 90. Tamanho original: 12,5x8 cm.

Zenzar: sigue... e dalhe

Aqui esta umha das bandas mais veteranas da Galiza no seu estilo, o rock. E se engadimos que o fam cantando em galego, nom cremos que haja outro grupo que como eles mesmos dim, sigam... e dando-lhe. Primeira década de 2000. Tamanho original: 9,5x6,5 cm.

 

Lembrando às Nenas da Revolta

Suponhemos que todas conheceredes este grupo vigues, só as mais novas tenhem desculpa para nom ter escuitado falar de elas. Afinais dos 90 forom um dos grupos galegos mais politizados e comprometidos coas luitas populares; especialmente com umha: a luita de libertaçom animal. Ano 2000? Tamanho original: 14x9 cm.
  

Um grupo de punk de Melide

Desde o interior do País, desde a terra de Melide, deixamos-vos este autocolante editado polo grupo punk Porka Miséria. Nele citam o seu trabalho "Melodias de combate". Primeira década de 2000. Tamanho original: 9,5x6,5 cm.

 

XXIV Festival de Pardinhas

O Festival de Pardinhas, em Guitiriz, é um dos mais veteranos de música folque dos que se celebram na nossa Terra. Este colante corresponde à XXIV ediçom, de 2003. Trás este festival acha-se a Associaçom Cultural Xermolos. Ano 2003. Tamanho original: 9,5x7 cm.
 

A ediçom de 2005 dum festival autogestionado: o Fervesteiro

Eis o autocolante editado polo colectivo Fervesteiro para anunciar o festival do mesmo nome, que organizam todos os anos. Hoje em dia, este colectivo que nos seus começos adicava-se -case em exclussividade- a organizar este festival anual, dispom dum centro social aberto todo o ano neste bairro ferrolám, mas na altura em que se celebrava esta ediçom ainda nom o tinham. Ano 2005. Tamanho original: 15x10,5 cm.
 

O sítio na rede do hiphop feito na Galiza

Subimos ao blogue este colante feito para promocionar o hiphop no nosso País. Na página temazo.org podedes atopar multidom de temas hiphoperos e enterar-vos das actuaçons que podedes seguir em terras galegas. Primeira década de 2000. Tamanho original: 16x9 cm.

 

Mais música com mensagem desde Ferrolgrado

Aqui tedes um adesivo do grupo de oi! ou rock proletário internacional -no que se enquadram eles-, Mencer Vermello, de Ferrol. A mágoa é que as últimas novas que temos de eles é que já nom estám a tocar. Lástima! Primeira década de 2000. Tamanho original: 21x4,5 cm.
  

Outro exemplo de música e activismo unidas

Outro exemplo de como podem caminhar da mam música e intervençom política fôrom as Brigadas Negu Gorriak. Produz-me nostálgia dos velhos tempos olhar para este desenho. Houvo Brigadas em muitas partes do globo. Na Galiza polo menos houvo 2, aparte desta corunhesa, outra era a Brigada Galiza. Ano 1994? Tamanho original: 10x6 cm

Que seria da Revoluçom sem banda sonora?

Tóca-lhe o turno a este colante dos grandes, de tamanho médio fólio. Nom todas as coleccionadoras gardam colantes musicais, mas para nós a música e outra fronte de intervençom e que melhor grupo para começar que Skárnio, um dos mais comprometidos do País, mesmo na anterior etapa -voltárom tocar após um impasse- definiam-se como colectivo político-musical. Como curiosidade comentarei que um dos seus membros também colecciona autocolantes cos mesmos critérios que nós, creo. Ano 2011. Tamanho original: 1/2 din A4 aprox. (21,5x14 cm.)