Espanha fora da nossa Terra!

Eis um autocolante, semelhante a um cartaze, editado pola Assembleia da Mocidade Independentista para a campanha com o mesmo nome, que chamava a retirada de simbologia espanhola das ruas do nosso Pais. Primeira decada de 2000. Tamanho original:

Nem Estatuto, nem Constituiçom, autodeterminaçom!

No dia de hoje, dia no que as espanholas celebram a sua constituiçom, aqui tedes o autocolante editado por Nos-UP no que se reclama autodeterminaçom, sem estatuto ou constituiçom. Primeira decada de 2000. Tamanho original:

As Meigas pola Independencia e o Socialismo

Aqui tedes um autocolante editado por um colectivo feminista, activo nos anos 90 em Ourense, no que se reclamava independencia e socialismo. Anos 90. Tamanho original:

Ence fora da Galiza

Este modelo foi tirado pola Assembleia da Mocidade Independentista coincidindo com umha das grandes mobilizaçons nacionais que tem havido na cidade do Leres para exigir o desmantelamento da celulose. Primeira década de 2000. Tamanho original: 15x10,5 cm.

 

Anónima ou assinada, solidariedade com Palestina (e II)

Aqui o tedes, o mesmo autocolante co mesmo desenho e o mesmo tamanho, mas este assinado por Nós-Unidade Popular. Por se fora pouco, os 2 editarom-se aproximadamente na mesma época. Primeira década de 2000. Tamanho original: 14,5x10 cm.

 

Nom à vídeo-vigiláncia! (e II)

Umha das organizaçons que impulsou e integrava a Plataforma era a recentemente constituida Assembleia Popular da comarca de Compostela -organizaçom previa a Nós-UP na comarca-. De facto, esta seria umha das primeiras campanhas que levou a cabo a APC. Ano 2000. Tamanho original: 10,5x10 cm.

 

Libertando Galiza, o independentismo, avança

Convocatoria unitaria de finais dos 90 para o Dia da Patria. Apos varios anos convocando a FPG por um lado e a AMI polo outro em 25 de Julho, AMI começava os contactos com outros sectores do independentismo de cara a reorganizaçom. Esta convocatoria do Dia da Patria seria a primeira unitaria em varios anos e que cada ano iria integrando novas corrientes e fazendo-se mais ampla. O cartaz da convocatoria era igual que o colante. Ano 1998. Tamanho original: 11,5x8 cm.

  

Espanha repreme a defesa da terra

Deixamos-vos um bono-ajuda tirado pola AMI afinais dos 90 em solidariedade com 3 moços independentistas detidos anos antes em Ponte-Vedra quando participavam numha mobilizaçom em solidariedade com 2 vizinhos -1 de eles, um independentista- julgados por participar nas mobilizaçons em contra da instalaçom dumha empacotadora em Vila-Boa. Ano 1999. Tamanho original: 14,5x9,5 cm.

 

Estatutos nom, Autodeterminaçom (em AGAL)

Este é o primeiro casso de autocolante em duas normativas. Trata-se da ultima convocatória das BDG dum Dia da Pátria, que seria o ultimo em convocar-se baixo estas siglas que vinham a representar um programa de mínimos autodeterminista. O seguinte ano o 25 de Julho convocaria-o Causa Galiza, conseguindo englobar a todo o independentismo numha única convocatória. Ano 2006. Tamanho original: 1/2 din A4 aprox. (21,5x14,5 cm.)

 

Estatutos nom, Autodeterminaçom (em ILGA)

Nos últimos anos derom-se no nosso País várias tentativas de criar umha plataforma unitária de mínimos que aglutinara a todas as soberanistas baixo o mesmo parachuvas. As Bases Democráticas Galegas forom o penúltimo intento que depois seria relevado por Causa Galiza. Essa vontade unitária é a que motiva que se utilizem as diferentes normativas do nosso idioma cofim de evitar divissons por essa causa. De ai que a propaganda de estas plataformas seja distribuida nas duas normas -ILGA e AGAL-. Ano 2006. Tamanho original: 1/2 din A4 aprox. (21,5x14,5 cm.)

AMI pola autodeterminaçom

Um outro bastante simples no desenho tirado pola AMI. Nom e mui comum nas organizaçons independentistas empregar a palavra "autodeterminaçom" no lugar da de "independencia". Primeira decada de 2000? Tamanho original: 21x4 cm.

 

Eu estou contra a lei do botelhom! (em fundo laranja)

Como acontece com um bom numero de colantes tirados pola AMI, este exemplar editaria-se nas cores vermelha e laranja fosforecentes; duas das cores que de adoitavam empregar em este tipo de autocolantes mais singelos. Primeira década de 2000. Tamanho original: 9,5x5 cm. (Varias cores)

 

Eu estou contra a lei do botelhom! (em fundo vermelho)

Campanha da AMI contra a polémica "Lei do botelhom". Sem pretender fomentar o consumo de alcool, a AMI denunciava que por trás desta lei o que se castigava era estar na rúa, a socializaçom dum ocio popular e nom consumista; o que se pretendia no fundo era empujar-nos para os bares e os locais "legalizados" polo Estado para suministrar-nos a bebida, resultando assim mais beneficioso para as suas arcas. Primeira década de 2000. Tamanho original: 9,5x5 cm. (Várias cores)
  

Galiza, naçom europea

Aquí tedes um autocolante de Nos-UP no que reivindica a Galiza como naçom europea fazendo-o até em 5 idiomas, aparte do galego, utilizados na Uniom Europea. Primeira década de 2000. Tamanho original: 14x7,5 cm.

  

Galiza, Palestina: dous Povos, umha mesma luita

Subimos nesta postagem um colante solidário coa causa palestina, que sem saber quem esta detrás da sua ediçom podemos aventurar que algum espontaneo, pois é bastante rudimentário e pola qualidade do papel nom paresce editado a imprensa. Anos 90. Tamanho original: 8x6 cm.

 

Paremos o terrorismo machista!

Este adesivo de Nos-UP, com um desenho mui impactante, fai referência também à violência de género polo que é apropriado para o dia de hoje. Cremos lembrar que esta campanha da organizaçom independentista também coincidiría no tempo com um 25 de Novembro. Trata-se dum autocolante de grande tamanho. Primeira década de 2000. Tamanho original: 29,5x10,5 cm.

  

Pola paz e o trabalho, a CUT num 1º de Maio

Este autocolante foi tirado pola CUT com motivo dum 1º de Maio com a legenda "Pola paz e o trabalho". O desenho é bastante simples, limitando-se a aparescer o logotipo junto coa legenda já citada. Primeira década de 2000. Tamanho original: 9,5x9,5 cm.

 

Pátria ou morte!

É mui comum que as organizaçons que se autoproclamam revolucionárias fagam usso da figura do Ché nas suas campanhas ou no material editado por elas. Neste casso é Agir a organizaçom que utiliza esta popular foto do Ché apontando coa sua pistola. Poderia ser que fora editado no 50 aniversário da Revoluçom cubana, mas nom o temos confirmado. Primeira década de 2000. Tamanho original: 14,5x7 cm.

 

Greve geral: luita obreira e nacional

Este colante foi editado desde o independentismo no marco das últimas convocatórias de greve geral na Galiza; nom sabemos se para a greve de 29 de Setembro ou a de 27 de Janeiro, ainda que a legenda bem poderia servir para as duas. Ano 2010. Tamanho original: 10,5x7,5 cm.

 

C. Luis Rodriguez, jornalista de "El Correo Gallego": manipulador!

Nom se conserva em mui bom estado este autocolante em papel laranja fosforescente adicado ao "jornalista" de El correo gallego. Nom é o único autocolante editado polo independentismo contra este meio reaccionário, mas si é o único dos que temos que aponta directamente contra um jornalista em particular. Primeira década de 2000. Tamanho original: 15x10,5 cm.