Greve estudiantil contra as agressons ao galego há 3 anos

Ha 3 anos exactos, um 26 de Novembro, convocava-se greve no ensino sob a legenda "Paremos as agressons contra o galego". Tratava-se dumha convocatória unitária por parte das organizaçons e sindicatos nacionalistas. O colante vem assinado, aparte de polos Comités e por Galiza Nova, pola recem constituida Mocidade pola Normalizacion Linguistica. Ano 2008. Tamanho original: 10x6,5 cm.

 

Os CAF tenhem sentido

Aqui tedes um colante dos Comités de Estudantes quando ainda se chamavam CAF. Tirou-se para umhas eleiçons na Universidade de Compostela. Primeira década de 2000. Tamanho original: 10x4 cm.

 

Pátria ou morte!

É mui comum que as organizaçons que se autoproclamam revolucionárias fagam usso da figura do Ché nas suas campanhas ou no material editado por elas. Neste casso é Agir a organizaçom que utiliza esta popular foto do Ché apontando coa sua pistola. Poderia ser que fora editado no 50 aniversário da Revoluçom cubana, mas nom o temos confirmado. Primeira década de 2000. Tamanho original: 14,5x7 cm.

 

A Asemblea de Estudantes contra a LOU

Coincidindo coa reforma da LOU e as mobilizaçons que se vivirom esses anos na Universidade, a Asssemblei Geral de Estudantes tivo um papel determinante nessas mobilizaçons, como organizaçom integradora de todo o estudantado. Primeira década de 2000. Tamanho original: 12x7 cm.

 

Paremos a política educativa do PP

Eis um exemplar dum colante de Agir contrário à política educativa do Partido Popular no cenário da aprovaçom de novas leis que afectavam a todo o ensino. Primeira década de 2000. Tamanho original: 10,5x7 cm.

 

Nom à militarizaçom das escolas

Este autocolante foi um dos primeiros que tiraría AMI, com distribuiçom nacional, após a sua constituiçom formal. Denunciava e protestava por umha campanha daquela época pola que o Ministério de Defesa espanhol pretendia achegar o exército espanhol ao alunado coa sua presência nos centros impartindo palestras os próprios militares. Ano 1997? Tamanho original: 10x8 cm.

 

Carvalho Calero, umha vida ao serviço da Galiza

Bonito colante tirado polos Comités Abertos de estudantes coincidindo co centenário do nascimento desta grande figura das nossas letras e firme defensor da norma reintegrada. Ano 2010. Tamanho original: 12x8 cm.

 

O sítio na rede de Agir

Hoje subimos o primeiro dos que temos que anunciam umha web dumha organizaçom política. Concretamente, Agir junto com Nós-UP ou Primeira Linha editariam case ao mesmo tempo colantes com as mesmas características que este. O de Agir é dos melhor acavados desta classe de adesivos. Primeira década de 2000. Tamanho original: 15,5x2 cm.

 

A Assembleia de Óptica contra a LOU

As mobilizaçons contra a LOU forom um referente na história recente das luitas estudiantís, nas que o assemblearismo e o independentismo tiverom umha forte presência. Aqui tedes um colante de mui baixa qualidade editada pola Assembleia da Facultade de Óptica. Primeira década de 2000. Tamanho original: 7,5x5 cm.
 

Desenho da CNT mui popular desde há anos

Este da CNT levamos vendo-o desde há já vários anos polas rúas da Galiza. O certo é que atinarom co grafismo e a mensagem. O nosso é grande, pouco mais de médio fólio, mas noutros idiomas dos que coabitam na Península Ibérica tenhem versons mais pequenas. É provável que também, ao longo destes anos, houvera ediçons galegas mais pequenas. Porém, nós só temos esta. Primeira década de 2000. Tamanho original: 1/2 din A4 aprox. (23x16,5 cm.)
 

Estám tolos estes espanhóis!!

Aqui temos um tirado por Agir na Corunha, de quando as mobilizaçons contra a LOU no que sai o bom de Obelix coa sua expressom preferida para referir-se aos colonizadores, adaptada à realidade galega. Primeira década de 2000. Tamanho original: 12x7 cm.
  

Solidariedade com o Alexandre

Um novo autocolante tamanho meio fólio tirado por Agir em solidariedade com o Alexandre. Este moço seria expulsado da Universidade de Compostela por motivaçons da sua militança em Agir, passando a ser o primeiro estudante que recebia este castigo, por motivaçons políticas, desde o franquismo. Ano 2002. Tamanho original: 1/2 din A4 aprox. (21x15 cm.)
 

A Universidade pública de Compostela enterrada em 2007 (e II)

O segundo dos desenhos, mui semelhante ao anterior e editado também pola Assembleia Geral de Estudantes. Eram os tempos nos que se desenvolvia a luita contra o Processo de Bolonha. Ano 2007. Tamanho original: 1/2 din A4 aprox. (21x12 cm.)
 

A Universidade pública de Compostela enterrada em 2007 (I)

A seguir subimos duas postagens com sendas esquelas, nas que se dá conta da morte e velatório da Universidade pública em Compostela. Forom editadas pola Assembleia Geral de Estudantes. Ano 2007. Tamanho original: 1/2 din A4 aprox. (21x12 cm.)
 

Os Comités Abertos de Estudantes com voz própria

Umha organizaçom hoje já desaparecida. Nos anos 90 e começos de 2000, os Comités Abertos de Estudantes passavam por ser a organizaçom nacionalista para o estudantado nom universitário; para o estudantado universitário estavam os Comités Abertos de Facultade. CAF e CAE transformarom-se em "Comités" em 2008. Anos 90? Tamanho original: 14x7 cm.
 

Primeira campanha de Agir

Este colante de grande tamanho foi o primeiro que tirou Agir, recém constituida como organizaçom unitária do estudantado independentista. Agir dáva-se a conhecer nas aulas com esta campanha que teria como acto central umha manifestaçom em Compostela. Ano 2000. Tamanho original: 1/2 din A4 aprox. (21x12,5 cm.)
 

A mesma menságem, em 2 autocolantes diferentes (e II)

Eis o outro modelo que comparte legenda e o fondo fosforescente em cor laranja, tam a cotio empregado nom só pola AMI, senom por multidom de colectivos e organizaçons que se movem ao márgem das instituiçons. Primeira década de 2000? Tamanho original: 14x7 cm.

A mesma menságem, em 2 autocolantes diferentes (I)

Aqui temos outros 2 desenhos tirados pola AMI que fam referência a problematicas relativas ao ensino. A legenda, nesta ocassiom fai referência a privatizaçom da educaçom. Primeira década de 2000? Tamanho original: 14,5x7,5 cm.
 

Defendamos a nossa educaçom, combatamos o seu negócio

Um novo colante da AMI, em papel laranja fosforescente. E outra legenda que bem poderia assumir-se à volta das mobilizaçons dos últimos messes em defesa do ensino público. Primeira década de 2000? Tamanho original: 9x7 cm.