Umha recopilaçom de autocolantes contra a guerra (I)

Começamos esta recopilaçom de autocolantes contra a guerra de diferentes organizaçons com um tirado pola organizaçom juvenil Galiza Nova. Ano 2003. Tamanho original: 9x6,5 cm.
 

Mocidade, compromisso, luita

Bonito adesivo das mocidades do BNG, Galiza Nova, no que se reivindicam como o futuro da Galiza. Esta organizaçom é das mais activas na ediçom de autocolantes do País. Primeira década de 2000. Tamanho original: 14x5,5 cm.

 

Greve estudiantil contra as agressons ao galego há 3 anos

Ha 3 anos exactos, um 26 de Novembro, convocava-se greve no ensino sob a legenda "Paremos as agressons contra o galego". Tratava-se dumha convocatória unitária por parte das organizaçons e sindicatos nacionalistas. O colante vem assinado, aparte de polos Comités e por Galiza Nova, pola recem constituida Mocidade pola Normalizacion Linguistica. Ano 2008. Tamanho original: 10x6,5 cm.

 

Mais um contra a violência de genero de Galiza Nova

Outra postagem para outro desenho de Galiza Nova que fai referência à celebraçom do Dia Internacional contra a violência de genero -autêntico terrorismo que causa mais mortes das que causarom as acçons armadas dos grupos independentistas, mas que paresce nom preocupar nem a metade ao governo espanhol-. Fazemos um chamamento a acudir aos actos que há convocados hoje para comemorar esta data. Primeira década de 2000. Tamanho original: 15x7,5 cm.

 

Que nom nos parem, revíra-te!

Agora é a Assembleia de Mulheres de Galiza Nova a organizaçom que tira à rúa outro desenho comemorativo desta data. O autocolante foi tirado para a campanha do 25-N do ano passado. Ano 2010. Tamanho original: 12x7 cm.

 

A VIIIª Assembleia Nacional de Galiza Nova

Nas últimas convocatórias do máximo órgao de decissom de Galiza Nova tenhem-se tirado autocolantes coma este, coa legenda da Assembleia. Este desenho circular corresponde a VIII Assembleia Nacional. Ano 1998. Tamanho original: 8x8 cm. (Circular)

 

A nossa língua, a nossa naçom, Autodeterminaçom!

Um autocolante de Galiza Nova no que reivindica o usso da língua como distintivo da nossa naçom, para a que pide o exercício do dereito de autodeterminaçom. Primeira década de 2000. Tamanho original: 11,5x4,5 cm.
  

Proibido "donmanuel" Fraga

Achamos que hoje, 20-N eleitoral, e também um bom dia para subir este adesivo circular que cenifica o carinho que lhe temos por aqui ao grande de Espanha, ex-ministro de Franco e ex-führer da Galiza, dom Manuel Fraga. Primeira década de 2000. Tamanho original: 5x5 cm. (Circular)

Galiza Nova contra o paro juvenil e a precariedade

Nom estamos seguros, mas cremos que este colante tirou-se o ano passado coa legenda de Galiza Nova para comemorar o 1º de Maio de esse ano. A ver se alguém nos pode confirmar que estamos no certo. Ano 2010? Tamanho original: 12x8 cm.

 

A mocidade entra em campanha

,

Editado pola organizaçom juvenil Galiza Nova para pedir o voto para o BNG numhas eleiçons europeias. Acho que devem ser as últimas de fai um par de anos. Ano 2009? Tamanho original: 11x7,5 cm.

 

Para as moças de Isca! este sistema nom funciona

Este é o primeiro autocolante que subimos ao blogue da mocidade de Isca! -umha escissiom da Uniom da Mocidade Galega, integrada como corriente dentro de Galiza Nova-. Os jovenes desta organizaçom autodefinem-se comunistas e independentistas. Primeira década de 2000. Tamanho original: 12x8 cm.

 

Galiza Nova, Galiza Ceive!

Às vezes as cousas máis singelas resultam agradáveis à vista, coma este modelo de Galiza Nova. Esta organizaçom nos últimos anos estivo mui activa na ediçom de autocolantes, como iredes vendo. Primeira década de 2000? Tamanho original: 15x7 cm.
  

Solidariedade galega coa República Saaraui

Pequeno exemplar de Galiza Nova em solidariedade com Aminatou Haidar. Foi editado em 2009 como puidemos saber gracias às aclaraçons dos nossos colaboradores, pois antes de este ano nós nunca souberamos del, mas no comentário tedes a resposta a quando se publicou. Ano 2009. Tamanho original: 12x4 cm.
  

Contra a guerra em Líbia (em mate)

Aqui tedes a ediçom em mate. É possível que no blogue nom se apreciem as diferências entre um e outro tam bem coma no próprio autocolante. O que sim que nos queda claro é que nom se trata de um erro de impressom, senom que som 2 tiragens em diferente papel adesivo e/ou diferente acabado. É o único casso que conhecemos de 2 ediçons diferentes só por este matiz. Nom deixa de ser umha simples curiosidade, mas decidimos subi-lo porque a legenda está de atualidade. Ano 2011. Tamanho original: 12x8,5 cm.
 

Contra a guerra em Líbia (em brilho)

Muitas vezes alguns autocolantes som reditados várias vezes, o que é mais inussual é atopar duas ediçons tiradas casse na mesma altura. E neste casso, atopamos-nos com duas ediçons totalmente iguais nas que o único que muda é o acabado. Ai vai a ediçom em brilho. Ano 2011. Tamanho original: 12x8,5 cm.