O Fórum da Língua

Aqui tedes um adesivo com um poema no que se publicita o Fórum da Língua a celebrar em 28 de Fevereiro na Facultade  de Filologia de Compostela, cofim de proqurar novas estratégias para um novo reintegracionismo. Primeira década de 2000. Tamanho original: 14,5x10,5 cm.

  

A nossa língua é a nossa bandeira

Eis outro modelo do MDL no que aproveitam para repetir os macacos que já saiam no colante da anterior postagem, mas a legenda é outra. Primeira década de 2000. Tamanho original: 20x12,5 cm.
  

Hoje mais que nunca, somos reintegracionistas

Trazemos-vos cá um autocolante do mui activo, nos anos 90 e começos da década passada, Movimento Defesa da Língua. Neste caso para reivindicarem-se reintegracionistas. Primeira década de 2000. Tamanho original: 12x8,5 cm.

 

Seguimos coa nossa campanha eleitoral: há que bota-los!

Isto si que o subscribemos. Hai que botalos foi umha producçom doqumental galega composta por multidom de curtas de diferentes autores nas que criticava a gestiom de Fraga nos últimos anos e pedía que nom se lhe votara nas eleiçons à Junta para evitar a sua reeleiçom, como assím acontecería, finalmente. Ano 2005. Tamanho original: 8x6,5 cm.

 

Carvalho Calero, umha vida ao serviço da Galiza

Bonito colante tirado polos Comités Abertos de estudantes coincidindo co centenário do nascimento desta grande figura das nossas letras e firme defensor da norma reintegrada. Ano 2010. Tamanho original: 12x8 cm.

 

A informaçom crítica em galego

Após a dessapariçom do jornal A Nosa Terra, o Novas da Galiza, publicaçom mensal de informaçom crítica, tem-se convertido na única publicaçom periódica em formato jornal feita em galego na actualidade. Eis um colante cos dados deste jornal. Primeira década de 2000. Tamanho original: 10x3 cm.

 

XXIV Festival de Pardinhas

O Festival de Pardinhas, em Guitiriz, é um dos mais veteranos de música folque dos que se celebram na nossa Terra. Este colante corresponde à XXIV ediçom, de 2003. Trás este festival acha-se a Associaçom Cultural Xermolos. Ano 2003. Tamanho original: 9,5x7 cm.
 

O vozeiro da Associaçom Cultural Treme a Terra

Quem nom lembra os bons festivais que organizava esta penha nos 90 e a começos da década passada? É umha mágoa que desde há uns anos deixaram de fazé-lo. Aqui deixamos um colante do vozeiro que tinha a agrupaçom de Pontedeume nos seus primeiros anos. Como curiosidade naquela altura o fanzine ainda estava co nome de Tembla a Terra que logo mudariam. Anos 90. Tamanho original: 11x8 cm.
 

A ediçom de 2005 dum festival autogestionado: o Fervesteiro

Eis o autocolante editado polo colectivo Fervesteiro para anunciar o festival do mesmo nome, que organizam todos os anos. Hoje em dia, este colectivo que nos seus começos adicava-se -case em exclussividade- a organizar este festival anual, dispom dum centro social aberto todo o ano neste bairro ferrolám, mas na altura em que se celebrava esta ediçom ainda nom o tinham. Ano 2005. Tamanho original: 15x10,5 cm.
 

XXXV aniversário da revista da UPG

A revista quadrimestral de informaçom, análisse e interpretaçom da Uniom do Povo Galego, "Terra e Tempo" fazia seu XXXV aniversário em 2000 e comemoráva-o coa tiragem de este colante. Ano 2000. Tamanho original: 10,5x6 cm.

  

A nossa língua é internacional

Como já temos dito nalgumha postágem, botamos de menos ao Movimento Defesa da Língua e aqueles colantes que tiravam em abundáncia, coma o do arquivo anexado. Neste casso, recordávam-nos o carácter internacional que têm a língua galego-portuguesa. Somos mundiais. Anos 90. Tamanho original: 12,5x8,5 cm.
 

Precintado por fechar espaços para a nossa cultura...

Estes dous modelos em fundo fosforescente forom editados para os roteiros antiespeculativos que se acostumavam convocar há uns anos. Neste casso, ademais denunciava-se a implicaçom das entidades às que se dirigiam os colantes na perseguiçom da nossa cultura. Primeira década de 2000. Tamanho original: 30x6,5 cm.
 

...e o software livre.

E na linha do anterior, atopamos este minúsculo modelo editado desde os mesmos círculos, no que aparesce a mascota oficial de Linux: Tux, o pinguim. Este sistema informático, adoptado polas comunidades de software livre, tivo muito a ver no registro e expansiom do termo copyleft. Primeira década de 2000. Tamanho original: 4x3 cm.
 

Os movimentos sociais apostam polo copyleft...

No entorno dos círculos alternativos cada  vez há umha maior comunidade de pessoas que defendem a livre distribuiçom de qualquer tipo de obra ou trabalho creativo, o que  se denomina copyleft (dereito de cópia). Eis um autocolante editado desde os círculos de activistas galegas informáticas -especialmente-, em prol desta práctica. Primeira década de 2000. Tamanho original: 10,5x3 cm.
 

Um colante para comemorar 100 postagens de autocolantes

Com esta entrada fazemos o autocolante número 100 que subimos ao blogue em pouco mais dumha semana. Colhimos emprestado este exemplar que tirou o periódico galego de informaçom crítica Novas da Galiza, para comemorar seu número 100, que saiu este mesmo ano em Março. Parabens! Ano 2011. Tamanho original: 10x10 cm.
 

Lembrades-vos desta publicaçom?

A revista mensal da movida galega De troula foi um projecto de meiados da primeira década de 2000, continuaçom de outro semelhante chamado A esmorga. Tratáva-se de umha publicaçom de humor e colaboraçons literárias, que vinha acompanhada de umha guia de locales de toda a Galiza. Primeira década de 2000. Tamanho original: 9x4 cm.
 

Todo o ano defendendo o nosso idioma (e V)

Quinto e último da série, adicado nesta ocassiom a Uxio Novoneira. Grande acerto o do Centro social lucense o de editar aos grandes das nossas letras, nestes tempos que correm, em que o nosso idioma vê-se seriamente amenaçado. Ano: 2011. Tamanho original: 14,5x10 cm.
 

Todo o ano defendendo o nosso idioma (IV)

Eis o correspondente a Celso Emilio Ferreiro. Ao parescer, esta série tivo mui boa acolhida. Forom editados para o Festival de Pardinhas de este ano e esgotárom-se, polo que tivérom que ser reeditados coincidindo coa celebraçom do Sam Froilam. Ano 2011. Tamanho original: 14,5x10 cm.
 

Todo o ano defendendo o nosso idioma (III)

Tampouco podia faltar o grande Castelao nesta colecçom. Os 5 autocolantes que componhem a série som todos do mesmo tamanho e em cada um deles vem umha cita literária correspondente a cada un dos escritores. Ano 2011. Tamanho original: 14,5x10 cm.
 

Todo o ano defendendo o nosso idioma (II)

Eis o segundo da série que é adicada aos grandes da nossa literatura. Nesta ocassiom toca-lhe o turno à nossa querida Rosalia de Castro. Ano 2011. Tamanho original: 14,5x10 cm.