Mais de eleiçons, Alternativa Canguesa de Esquerda

Mais umha de candidaturas comarcais e também das últimas eleiçons municipais; falamos de Cangas e da ACE, coaliçom eleitoral integrada pola FPG, EU, PCPG e independentes. A diferença é que a Alternativa Canguesa de Esquerdas nom era a primeira convocatória que concorriam, Obtiverom 2 concelheiros e 1 concelheira. Ano 2011. Tamanho original: 1/2 din A4 aprox. (19,5x14 cm.)
  

Os Coleitivos das Mocedades Comunistas nos 90

Pouco sabemos do estado em que se atopa a organizaçom de mocidade do Partido Comunista do Povo Galego, mas cremos que se limita a umha representaçom testemunhal. Agora bem, na altura em que se tirou o colante os CMC deviam ter umha maior implantaçom na Galiza, pois aínda militavam na organizaçom um importante sector que acabariam deixando os Colectivos e regressando à Esquerda Unida, da que marcharam. Porém os CMC sempre mantivérom a súa independência respecto aos CJC estatais ou ao PCPE. Anos 90. Tamanho original: 10x7,5 cm.
 

O PCPG de hoje, um partido galego e soberanista

Este outro 1º de Maio é o deste ano e como já contavamos, o PCPG, ainda que conserve o mesmo nome e logotipo, hoje é um partido independente, que nom garda relaçom nemgumha com o PCPE. As camaradas hoje integram Causa Galiza e vários foros de reconstrucçom comunistas em chave nacional. Ano 2011. Tamanhos originais: 20x10 cm. / 15,5x7,5 cm. (Vários tamanhos)

O PCPG quando era o PCPE na Galiza

Nom sabemos o ano exacto ao que corresponde este 1º de Maio, mas naquela altura o PCPG que hoje integra plataformas autodeterministas era a filial galega do Partido Comunista dos Povos da Espanha. De facto, este mesmo modelo foi editado e assinado polo PCPE em outras partes do Estado. Primeira década de 2000. Tamanho original: 1/2 din A4 aprox. (20x14,5 cm.)