Ence fora da Galiza

Este modelo foi tirado pola Assembleia da Mocidade Independentista coincidindo com umha das grandes mobilizaçons nacionais que tem havido na cidade do Leres para exigir o desmantelamento da celulose. Primeira década de 2000. Tamanho original: 15x10,5 cm.

 

Boicote a McDonals

Outro colante contra o McDonals no que desenmascaram a multinacional e acussam-na de expólio às trabalhadoras e ao meio ambiente; como dim no adesivo: enganam à gente. Anos 90. Tamanho original: 9,5x5,5 cm.

 

Union Libertaria na crise do Prestige (e II)

Eis o segundo modelo tirado por Union Libertaria quando a crise do Prestige coa mesma mala qualidade co anterior. Este colectivo libertario centra o seu trabalho na comarca de Ferrolterra. Ano 2003. Tamanho original: 13,5x9 cm.

 

Union Libertaria na crise do Prestige (I)

A qualidade destes 2 autocolantes de Union Libertaria deixa muito que desejar, mas e assim como forom distribuidos, como se for a fotocopia de mui baixa qualidade. Os 2 desenhos tirarom-se apos a crise de Prestige. Neste exemplar, ainda que coste distingui-los, aparescem Fraga e el-Rey diante dumha voluntaria das milheiras que limpariam as praias coa legenda "Sempre pringam os mesmos". Ano 2003. Tamanho original: 13,5x9 cm.

 

Nom ao parque merdambiental no Ribeiro

A vizinhança do Ribeiro contra a instalaçom dum parque merdambiental na comarca, exactamente em Carvalheda de Avia. Tanto as vizinhas como os grupos ecologistas tenhem-se posicionado em contra deste mal chamado parque ambiental. Ano 2008? Tamanho original: 10x10 cm.

 

Queres saber o que é a tortura?

Outro adesivo do colectivo Liberación Animal. Nesta ocasiom querem denunciar as condiçons nas que som tratados os animais nos matadoiros. Anos 90. Tamanho original: 13x7 cm.

 

Contra a indústria peleteira

Outro colante mais do colectivo Liberación Animal, tam activo afinais dos 90 e começos de 2000. O motivo deste exemplar é chamar a atençom sobre a tortura gratuita que sofrem os animais sacrificados pola indústria peleteira. Anos 90. Tamanho original: 11,5x7,5 cm.
  

Merda de AVE

Eis um modelo editado pola Assembleia de Afectadas polo traçado do AVE no tramo de Corunha a Betanços. Este colectivo estivo mui activo há dous ou três anos quando as obras nesta zona do País estavam no seu ponto álgido, botando-se à rúa em multidom de ocassions. Primeira década de 2000. Tamanho original: 9,5x9,5 cm. (Circular)
  

Boicote e acçom contra todo abuso

Essa e a legenda utiliçada neste outro autocolante tirado à rua polo movimento de libertaçom animal, também neste casso pola organizaçom Liberación Animal. Anos 90. Tamanho original: 8x7,5 cm.

  

PPresrtige, a ruína do País (em fundo verde)

Eis a parelha do anterior. Agora que vai haver eleiçons é umha mágoa que a gente esqueça tam rápido o que fixo o Partido Popular quando tinha o Governo do Estado e o que se passou coa crise do Prestige ou o apoio à guerra do Iraque (e a todas as demais...). Porém e comprensível que a gente queira castigar à política anti-obreira de quem se fai chamar "socialista". Ano 2003. Tamanho original: 29,5x6 cm. (Várias cores)

 

PPresrtige, a ruína do País (em fundo laranja)

Outra vez os Comités de Solidariedade com América Latina contra o PP, outra vez o chamativo papel fosforescente (ainda que nesta postagem nom se aprecie bem a tonalidade do laranja) e outra vez a temática referida ao desastre do Prestige de fundo. Também outra vez, várias cores para umha mesma legenda. Ano 2003. Tamanho original: 29,5x6 cm. (Várias cores)

 

Prestige: atentado terrorista contra a Galiza

Primeira postagem na que subimos um colante relativo à crise do Prestige. Neste caso tratra-se dum adesivo de Nós-UP no que responsabiliça ao Governo espanhol e a Junta da Galiza da catástrofe ambiental. Ano 2003. Tamanho original: 14,5x10,5 cm.
  

As corridas de touros som assassinatos

Aqui tedes o primeiro que publicamos contra as vergonhentas celebraçons na nossa Terra das touradas. Neste casso, trata-se dum colante que tirou a Plataforma Anti-taurina Galega há mais dumha década. Anos 90. Tamanho original: 9,5x6,5 cm.

 

Nom ao campo de tiro em Doninhos

O primeiro que subimos hoje desconhecemos quêm o editou, o que si que é claro é que o debujo é da autoria de Leandro, o seu estilo é inconfundível. Pode ser que Adega em Trasancos emprega-se a norma galego-portuguesa ou que fora editado desde um centro social ou por outra entidade. Anos 90. Tamanho original: 12x8 cm.
 

A vivisecçom é um crime

Assím de contundentes e fortes eram as imágens que Liberación Animal utiliçava nas suas campanhas de denúncia da prática da vivisecçom com seres vivos. A foto é bastante violenta e explícita. Anos 90. Tamanho original: 13,5x6,5 cm.

A Cordenadora por um Plano Alternativo a Sogama

Eis um autocolante da Cordenadora por um Plano Alternativo a Sociedade Galega do Meio Ambiente (SOGAMA). Tráta-se do único autocolante que temos de esta entidade ecologista. Primeira década de 2000. Tamanho original: 9x7 cm.
 

Um espaço para os nossos amigos, os animais

Liberación Animal de Vigo foi um grupo mui activo afinais dos 90, na defesa dos dereitos dos animais. Além deste colectivo, o grupo musical Nenas da Revolta era um referente dentro da luita antiespecista, que dava os seus primeiros passos no País. A maior parte dos músicos eram militantes desta organizaçom. Anos 90. Tamanho original: 14,5x8,5 cm.
 

A caça nom é nengum desporto

Subimos-vos este fermoso autocolante editado polo coletivo "Matar por matar, Non". Como já saberedes eram a gente que ia protestar e fazer ruído para espantar aos rapossos quando se organizava algumha caça "desportiva" contra este animal. Primeira década de 2000. Tamanho original: 11x8 cm.

Energia nuclear? Nom, obrigado

Após o acidente nuclear em Fukushima, reavivou-se o movememto anti-nuclear em todo o mundo, e Galiza nom ia ser a excepçom. Estoutro autocolante da CGT, também editado nas outras línguas do Estado assím o confirma. É também, o primeiro colante subido ao blogue de um desenho utilizado em dous tamanhos diferentes, algo bastante frequente. Ano 2011. Tamanhos originais: 15x10,5 cm. / 10,5x7 cm. (Vários tamanhos)
 

...e o último

Já que comezamos coa AMI, eis o último modelo que tirou ao prédio a organizaçom de mocidade independentista. Este pertence a umha campanha contra os agentes culpáveis da "eucaliptizaçom" do País. Ano 2011. Tamanho original: 14,5x10,5 cm.