Nom à vídeo-vigiláncia! (I)

Em 2000 constituiu-se na capital da Galiza umha Plataforma Cidada contra a vídeo-vigiláncia para protestar pola posta em marcha na zona velha dum plam de vídeo-vigiláncia defendido polo Concelho que atentava contra as liberdades e a intimidade das pessoas. Ano 2000. Tamanho original: 21x7 cm.

 

Nom ao parque merdambiental no Ribeiro

A vizinhança do Ribeiro contra a instalaçom dum parque merdambiental na comarca, exactamente em Carvalheda de Avia. Tanto as vizinhas como os grupos ecologistas tenhem-se posicionado em contra deste mal chamado parque ambiental. Ano 2008? Tamanho original: 10x10 cm.

 

O teu bairro está na rede

Deixamos-vos um adesivo editado recentemente pola Associaçom de Vizinhas As Marias, que é a AA VV do bairro onde se atopa a Gentalha do Pichel. O colante está editado em 2 tamanhos. Ano 2011. Tamanhos originais: 24x3,5 cm. / 12,5x2 cm. (Varios tamanhos)
  

Merda de AVE

Eis um modelo editado pola Assembleia de Afectadas polo traçado do AVE no tramo de Corunha a Betanços. Este colectivo estivo mui activo há dous ou três anos quando as obras nesta zona do País estavam no seu ponto álgido, botando-se à rúa em multidom de ocassions. Primeira década de 2000. Tamanho original: 9,5x9,5 cm. (Circular)
  

Contra a privatizaçom da sanidade pública em Ponte-Vedra

Colante que tirou a Plataforma contra a privatizaçom do hospital único de Ponte-Vedra, integrado por Concelhos, partidos, sindicatos e associaçons de vizinhas, protagonista das mobilizaçons dos últimos anos mais concorridas. Ano 2010. Tamanho original: 10x10 cm. (Circular)
 

Hoje, mobilizaçons em defesa da Sanidade Pública

Hoje há convocadas pola Plataforma SOS sanidade pública dez concentraçons às 8 da tarde nas principais cidades do País. Esta Plataforma unitária está integrada por todas as plataformas em defesa da sanidade pública e é a mesma que  convocou mobilizaçons recentemente em Ourense com grande sucesso. Ano 2011. Tamanho original: 8x8 cm. (Circular)