XXIV Festival de Pardinhas

O Festival de Pardinhas, em Guitiriz, é um dos mais veteranos de música folque dos que se celebram na nossa Terra. Este colante corresponde à XXIV ediçom, de 2003. Trás este festival acha-se a Associaçom Cultural Xermolos. Ano 2003. Tamanho original: 9,5x7 cm.
 

Solidariedade galego-cubana no 35 aniversário da Revoluçom

Eis um autocolante da Associaçom de Solidariedade Galego-Cubana Curros Henriques que se tirou em 1994 para comemorar os 35 anos do trunfo da Revoluçom Cubana. Nom sabemos com exactitude quando deixou de existir esta associaçom, mas nos anos 90 era mui activa e umha das mais reconhecidas, junto com Francisco Vilhamil. Ano 1994. Tamanho original: 12x5 cm.

 

O vozeiro da Associaçom Cultural Treme a Terra

Quem nom lembra os bons festivais que organizava esta penha nos 90 e a começos da década passada? É umha mágoa que desde há uns anos deixaram de fazé-lo. Aqui deixamos um colante do vozeiro que tinha a agrupaçom de Pontedeume nos seus primeiros anos. Como curiosidade naquela altura o fanzine ainda estava co nome de Tembla a Terra que logo mudariam. Anos 90. Tamanho original: 11x8 cm.
 

A ediçom de 2005 dum festival autogestionado: o Fervesteiro

Eis o autocolante editado polo colectivo Fervesteiro para anunciar o festival do mesmo nome, que organizam todos os anos. Hoje em dia, este colectivo que nos seus começos adicava-se -case em exclussividade- a organizar este festival anual, dispom dum centro social aberto todo o ano neste bairro ferrolám, mas na altura em que se celebrava esta ediçom ainda nom o tinham. Ano 2005. Tamanho original: 15x10,5 cm.
 

A Brigada Galega Fuco Gomes

Outro bonito colante com o estilo característico de Leandro. Possívelmente fora em 2008 quando viu a lus este desenho, coincidindo coa Brigada Internacional que se organizou em Cuba esse ano, com motivo dos 50 anos do triunfo da Revoluçom. A Brigada Galega Fuco Gomes é umha organizaçom potenciada desde o Independentismo para exercer o Internacionalismo e a solidariedade com Cuba. Ano 2008? Tamanho original: 14,5x10,5 cm.

 

Contra a privatizaçom da sanidade pública em Ponte-Vedra

Colante que tirou a Plataforma contra a privatizaçom do hospital único de Ponte-Vedra, integrado por Concelhos, partidos, sindicatos e associaçons de vizinhas, protagonista das mobilizaçons dos últimos anos mais concorridas. Ano 2010. Tamanho original: 10x10 cm. (Circular)
 

A noite solidária com Gaça

Este adesivo circular corresponde a umha iniciativa anual, na sua décima ediçom, que se vinha realizando em diferentes cidades da Galiza em solidariedade com Palestina. A ideia original era da Ong Solidariedade Internacional e consistia em recaudar fundos atravês dumha porcentágem das consumiçons servidas durante essa noite do ano em locais hosteleiros colaboradores. Quem fazia umha achega solidária era correspondido com um colante coma este. Primeira década de 2000. Tamanho original: 6x6 cm. (Circular)
  

Hoje, mobilizaçons em defesa da Sanidade Pública

Hoje há convocadas pola Plataforma SOS sanidade pública dez concentraçons às 8 da tarde nas principais cidades do País. Esta Plataforma unitária está integrada por todas as plataformas em defesa da sanidade pública e é a mesma que  convocou mobilizaçons recentemente em Ourense com grande sucesso. Ano 2011. Tamanho original: 8x8 cm. (Circular)
 

Autocolante de Outubro de 2011 da Auriense

Eis aqui o autocolante correspondente ao mês em curso de Outubro deste ano Castelao 2011. A Agrupaçom Cultural Auriense de Ourense está comemorando-o editando um autocolante ao mês com umha legenda do grande Castelao. Já iremos subindo o resto pouco a pouco, quando vaiamos completando a série, pois aínda nom conseguimos nem o de Janeiro, nem o de Abril. Ano 2011. Tamanho original: 14x9,5 cm.