Um desenho de Xaquin Marin para um colante da AN-PG de 1981

Aqui vos deixamos umha peça bastante antigua, de ha 30 anos. Trata-se da festa com motivo do Dia da Patria da AN-PG em Ferrol publicitada com um debuxo do artista Xaquin Marin; um colante com historia. Ano 1981. Tamanho original: 8x7 cm.

 

Festeja em galego

Este colante foi mui popular a começos dos 90, pola distribuiçom maçiça que fijo Meendinho. Eram os anos de mais actividade deste grupo reintegracionista ourensao, que co seu trabalho chegava a todo o Pais. Anos 90. Tamanho original: 14x9 cm.

 

Na luita e na festa, o machismo sempre apesta (e II)

Eis outro dos modelos editados polas Mulheres Nacionalistas Galegas anos após o primeiro. Com estas ediçons maciças de vários desenhos com a clássica legenda feminista, as MNG conseguírom popularizar a consigna trás estar presentes em festas e festivais durante vários anos. Primeira década de 2000? Tamanho original: 7,5x7,5 cm.

  

Na luita e na festa, o machismo sempre apesta (I)

Suponho que muitas das que passamos os 30 anos lembramos ter visto nalgumha ocassiom, sobre tudo coincidindo coas festas do verám ou na noite do 24 ao 25 de Julho, este autocolante na solapa dalgumha pessoa. As MNG encarregarom-se de popularizar esta legenda co reparto massivo de colantes coma este -figerom-se vários desenhos coa mesma legenda-. Anos 90. Tamanho original: 7x6,5 cm.

 

XXIV Festival de Pardinhas

O Festival de Pardinhas, em Guitiriz, é um dos mais veteranos de música folque dos que se celebram na nossa Terra. Este colante corresponde à XXIV ediçom, de 2003. Trás este festival acha-se a Associaçom Cultural Xermolos. Ano 2003. Tamanho original: 9,5x7 cm.
 

A ediçom de 2005 dum festival autogestionado: o Fervesteiro

Eis o autocolante editado polo colectivo Fervesteiro para anunciar o festival do mesmo nome, que organizam todos os anos. Hoje em dia, este colectivo que nos seus começos adicava-se -case em exclussividade- a organizar este festival anual, dispom dum centro social aberto todo o ano neste bairro ferrolám, mas na altura em que se celebrava esta ediçom ainda nom o tinham. Ano 2005. Tamanho original: 15x10,5 cm.
 

A noite solidária com Gaça

Este adesivo circular corresponde a umha iniciativa anual, na sua décima ediçom, que se vinha realizando em diferentes cidades da Galiza em solidariedade com Palestina. A ideia original era da Ong Solidariedade Internacional e consistia em recaudar fundos atravês dumha porcentágem das consumiçons servidas durante essa noite do ano em locais hosteleiros colaboradores. Quem fazia umha achega solidária era correspondido com um colante coma este. Primeira década de 2000. Tamanho original: 6x6 cm. (Circular)
  

Chega o Outono, é tempo das castanhas

Os magustos formam parte do melhor das nossas tradiçons populares. Porém, desde que aparesceu, a AMI sempre pulou por fomentar este tipo de festejos entre a gente nova nas diferentes comarcas. O desenho de enriba é umha prova de esse empenho. Ano 1996. Tamanho original: 8,5x5 cm.