Queremos galego!

Eis o primeiro autocolante da Plataforma Queremos galego! que subimos ao blogue. Como saberedes, esta plataforma jurdiu como resposta aos ataques ao galego dirigidos por colectivos como Galicia Bilingue e que tiverom o respaldo da Junta do PP. Ano 2009. Tamanho original: 8x7,5 cm.

O Fórum da Língua

Aqui tedes um adesivo com um poema no que se publicita o Fórum da Língua a celebrar em 28 de Fevereiro na Facultade  de Filologia de Compostela, cofim de proqurar novas estratégias para um novo reintegracionismo. Primeira década de 2000. Tamanho original: 14,5x10,5 cm.

  

Em galego é fácil! (em fundo branco e tamanho grande)

Eis o outro modelo de colante, este em branco e mais grande que o anterior. Estes colantes tiverom umha distribuiçom maciça polo Pais polo que é mui provavel que muitas de vos os tenhades visto nalgures. Anos 90. Tamanho original: 10x10 cm. (Circular)

Em galego é fácil! (em fundo verde e tamanho pequeno)

Estos desenhos correspondem a melhor etapa da Mesa pola Normalizacion Linguistica: os anos 90. Naqueles anos a Mesa tinha umha actividade constante e umha forte implantaçom nos liceus atraves das equipas de normalizaçom linguistica. Anos 90. Tamanho original: 7,5x7,5 cm. (Circular)

 

Festeja em galego

Este colante foi mui popular a começos dos 90, pola distribuiçom maçiça que fijo Meendinho. Eram os anos de mais actividade deste grupo reintegracionista ourensao, que co seu trabalho chegava a todo o Pais. Anos 90. Tamanho original: 14x9 cm.

 

A mocidade por umha Galiza em galego

Aqui tedes outro colante da AMI de grande tamanho; é a metade dum din A4, mas ao longo do papel. A Assembleia da Mocidade Independentista adoitava tirar muitos colantes neste formato. Primeira década de 2000. Tamanho original: 29,5x10,5 cm.

 

A nossa língua, a nossa naçom, Autodeterminaçom!

Um autocolante de Galiza Nova no que reivindica o usso da língua como distintivo da nossa naçom, para a que pide o exercício do dereito de autodeterminaçom. Primeira década de 2000. Tamanho original: 11,5x4,5 cm.
  

A nossa língua é a nossa bandeira

Eis outro modelo do MDL no que aproveitam para repetir os macacos que já saiam no colante da anterior postagem, mas a legenda é outra. Primeira década de 2000. Tamanho original: 20x12,5 cm.
  

Hoje mais que nunca, somos reintegracionistas

Trazemos-vos cá um autocolante do mui activo, nos anos 90 e começos da década passada, Movimento Defesa da Língua. Neste caso para reivindicarem-se reintegracionistas. Primeira década de 2000. Tamanho original: 12x8,5 cm.

 

Carvalho Calero, umha vida ao serviço da Galiza

Bonito colante tirado polos Comités Abertos de estudantes coincidindo co centenário do nascimento desta grande figura das nossas letras e firme defensor da norma reintegrada. Ano 2010. Tamanho original: 12x8 cm.

 

Marcha nova na zona velha de Ourense

Este colante atribuimos-lho aos colectivos reintegracionistas mui activos afinais dos anos 80 e durante os anos 90 nesta cidade do Sul do País. Cremos que poderia ser obra de Meendinho, mas nom temos a certeça. Parez que se trata dumha pequena guia galeguizada de locais nocturnos de lazer. Os colectivos reintegracionistas ourensaos forom pioneiros na socializaçom e normalizaçom da nossa grafia histórica. Anos 90. Tamanho original: 16x12 cm.
  

Se ti nom falas, se ti nom berras, Galiza morre!

Subimos desta vez um colante do Foro da Mocidade de Vigo. Umha plataforma juvenil comarcal cujos principais logros forom a convocatória de duas greves no ensino de Vigo, em 2008 e em 2009, reclamando um ensino galego e o direito a estudar na nossa língua. Ano 2009? Tamanho original: 11x10 cm.
 

A nossa língua é internacional

Como já temos dito nalgumha postágem, botamos de menos ao Movimento Defesa da Língua e aqueles colantes que tiravam em abundáncia, coma o do arquivo anexado. Neste casso, recordávam-nos o carácter internacional que têm a língua galego-portuguesa. Somos mundiais. Anos 90. Tamanho original: 12,5x8,5 cm.
 

Queremos viver na nossa língua própria

Aparescida em 1986, muitas de nós crescimos tendo contacto dumha ou doutra maneira coa Mesa pola Normalización Linguística. Contava e conta com umha importante implantaçom, o que lhe permitia estar presente em muitos centros de ensino do País devido, em parte, a existência dum amplo sector do professorado sensível às teses da Mesa. Primeira década de 2000? Tamanho original: 6,5x6,5 cm. (Circular)
    

O portal galego da Língua

Autocolante da Associaçom Galega da Língua editado para publicitar seu sítio na rede. Quem nom o conheça convidamo-lo a que visite o seu portal. Primeira década de 2000. Tamanho original: 16x7,5 cm.
 

Dous modelos pola Língua do Eo-Návia (e II)

A situaçom das galego-falantes nesta comarca é bastante dificil, pois sintem-se incomprendidas nom só pola Administraçon, senom que também estám abandonadas polo nacionalismo galego. Primeira década de 2000. Tamanho original: 14x13 cm.
 

Dous modelos pola Língua do Eo-Návia (I)

Subimos, hoje, dous modelos paridos no Eo-Návia, na Galiza Irredenta, que reclamam a sua galeguidade, quando menos no que respeita à língua. Primeira década de 2000. Tamanho original: 15x13 cm.
 

Todo o ano defendendo o nosso idioma (e V)

Quinto e último da série, adicado nesta ocassiom a Uxio Novoneira. Grande acerto o do Centro social lucense o de editar aos grandes das nossas letras, nestes tempos que correm, em que o nosso idioma vê-se seriamente amenaçado. Ano: 2011. Tamanho original: 14,5x10 cm.
 

Todo o ano defendendo o nosso idioma (IV)

Eis o correspondente a Celso Emilio Ferreiro. Ao parescer, esta série tivo mui boa acolhida. Forom editados para o Festival de Pardinhas de este ano e esgotárom-se, polo que tivérom que ser reeditados coincidindo coa celebraçom do Sam Froilam. Ano 2011. Tamanho original: 14,5x10 cm.
 

Todo o ano defendendo o nosso idioma (III)

Tampouco podia faltar o grande Castelao nesta colecçom. Os 5 autocolantes que componhem a série som todos do mesmo tamanho e em cada um deles vem umha cita literária correspondente a cada un dos escritores. Ano 2011. Tamanho original: 14,5x10 cm.