Grei Gentalha: vinho e Depor!

Felicitamos ao Depor e às suas siareiras pola victória no primeiro dérbi galego de máximo nível num lustro. Para isso, metemos nesta postagem um autocolante mui pequeno que tirarom os Grei Gentalha, quando ainda íam a Riazor. Toda umha declaraçom de princípios, nom? Primeira década de 2000. Tamanho original: 5x4,5 cm.
  

No dia do dérbi, umha mais das siareiras da Corunha

E também na Corunha houvo umha penha de siareiras que se integraria em Siareiros Galegos em aquel ano 1996, tratava-se das -hoje em día desaparecidas- Grei Gentalha. Pola contra, a agrupaçom mais conhecida e numerossa, os Riazor Blues nom formariam nunca parte desta claque, porém declaravam-se partidários das nossas selecçons. Anos 90. Tamanho original: 10,5x9 cm.
 

No dia do dérbi, umha mais das siareiras de Vigo

Porfim, trás mais de 5 anos sem enfrontar-se o Celta contra o Depor, hoje é o grande dia. Nas duas hinchadas houvo agrupaçons integradas nos Siareiros Galegos. Em Vigo, os Celtarras decidirom integrar-se desde o começo nesta cordenadora de siareiras que se constituiu em 1996 para reivindicar o direito às nossas selecçons nacionais. Primeira década de 2000. Tamanho original: 15x10,5 cm.

 

Quentando motores para o dérbi em Vigo

E bem seguro que a hinchada viguesa também está desejosa de que chegue o grande dia, apesar de que neste partido joguem em território rival. Há muitas ganas de ver-se as caras e seguro que o Celta nom estará só em Riazor. Ano 2011. Tamanho original: 16,5x11,5 cm.
  

Quentando motores para o dérbi na Corunha

Subimos nesta postagem um colante antifascista da penha desportivista Riazor Blues. Depois de 5 anos sem dérbi entre as duas grandes equipas galegas, porfim volta o clássico do nosso futebol. Na Corunha, as siareiras locais já quentam motores para o dia que se achega. Ano 2011. Tamanho original: 5x5 cm. (Circular)
  

Os Kaos Brothers da Corunha

Os Kaos Brothers foi umha iniciativa que partiu de dous companheiros skinheads corunheses que pretendiam fazer mais umha marca de roupa antifa. Chegariam a tirar umha série de camisolas coa legenda "Kaos Brothers" em diferentes cores, mas nom passariam de ai. Primeira década de 2000. Tamanho original: 19x4,5 cm.
  

Nom à repressom nos campos de fútebol

Já sabemos que dentro do Estado espanhol o Real Madrid de fútebol, ademais do consabido "pam e circo", é toda umha instituiçom. Porém, o moço que num encontro da sua equipa, o Ourense, co Real Madrid C ocurriu-se-lhe berrar "puta Madrid, puta Espanha" nom debia saber até onde chegava o seu atrevimento. Este autocolante, desenhado polo jovem tirou-se para ajudar a pagar a sançom de 3000 euros que lhe foi imposta e denunciarem os feitos. Primeira década de 2000. Tamanho original: 15x10,5 cm.
 

Outro dos Red & Anarchist Skin Heads

Corriam os anos 90 quando na Galiza se intentava estruturar com um mínimo de organizaçom umha secçom RASH na Galiza. A cousa nom chegaria mui longe, mas chegou a haver grupos em Vigo, Corunha e Ourense, aínda que a cordenaçom era mui precária. Anos 90. Tamanho original: 9x9 cm. (Circular)

...e eu do Desportivo! Rias Altas, Rias Baixas, lalalarala...

Quem nom conhece o tema de Siniestro Total do cabeçalho da entrada? Pois, a aplicar-se o conto que já queda menos para o derbi mais agardado da década. Esperemos que ambas aficçons saibamos comportarnos coma galegas todas em esse grande dia. Primeira década de 2000. Tamanho original: 14x10 cm.

Tu serás do Celta...

Bom, estavamos duvidando se subir os futeboleiros ou nom, mas pensamos que muitos, coma este, merescem a pena. Evitaremos subir os que tenham algum conteúdo dos proibidos pola política do blogue, entre os que também se atopa o localismo. Primeira década de 2000. Tamanho original: 9x6,5 cm.

Um mui feo das redskins galegas, oi! oi!

Sobrariam-lhe boas intençons às autoras deste minúsculo autocolante dos Red & Anarchist Skin Heads, mas acho que co desenho gráfico nom se vam ganhar as fabas. Aínda intentando faze-lo cutre nom creo que salga algo assím. Duvidamos se publica-lo ou nom mas, que ostias! e um colante, nom? Anos 90. Tamanho original: 4,5x4,5 cm.
 

Outro exemplo de música e activismo unidas

Outro exemplo de como podem caminhar da mam música e intervençom política fôrom as Brigadas Negu Gorriak. Produz-me nostálgia dos velhos tempos olhar para este desenho. Houvo Brigadas em muitas partes do globo. Na Galiza polo menos houvo 2, aparte desta corunhesa, outra era a Brigada Galiza. Ano 1994? Tamanho original: 10x6 cm