Umha recopilaçom de autocolantes contra a guerra (IV)

Sem dúvida, os sindicatos forom os mais activos à hora de editar este tipo de adesivos. Aqui vos deixamos o da CIG coa tipografia que se vincula a este tipo de colantes antimilitaristas. Ano 2003. Tamanho original: 10,5x7,5 cm.

Umha recopilaçom de autocolantes contra a guerra (I)

Começamos esta recopilaçom de autocolantes contra a guerra de diferentes organizaçons com um tirado pola organizaçom juvenil Galiza Nova. Ano 2003. Tamanho original: 9x6,5 cm.
 

Mocidade, compromisso, luita

Bonito adesivo das mocidades do BNG, Galiza Nova, no que se reivindicam como o futuro da Galiza. Esta organizaçom é das mais activas na ediçom de autocolantes do País. Primeira década de 2000. Tamanho original: 14x5,5 cm.

 

Os serviços minimos tambem apoiam a greve

Este colante tirou-no a CIG - Saude numha convocatória de greve que tivo lugar em 16 de Dezembro de 2009 na Sanidade. A finalidade do mesmo é clara: trata-se de identificar aos serviços minimos para nom confundi-los com esquirois. Ano 2009. Tamanho original: 14x5 cm.

 

Um passo mais

Um adesivo do Partido Socialista Galego - Esquerda Galega, hoje integrado dentro do BNG e partido chave na configuraçom do Bloque tal como está estruturado hoje em dia. Anos 90. Tamanho original: 9x6,5 cm.

 

A CIG num 1º de Maio

Este é o autocolante editado pola CIG para um dos últimos 1º de Maio no que aposta por um novo modelo economico e social que defenda o emprego, os dereitos e as prestaçons sociais. Primeira década de 2000. Tamanho original: 14,5x10,5 cm.

 

Um desenho de Xaquin Marin para um colante da AN-PG de 1981

Aqui vos deixamos umha peça bastante antigua, de ha 30 anos. Trata-se da festa com motivo do Dia da Patria da AN-PG em Ferrol publicitada com um debuxo do artista Xaquin Marin; um colante com historia. Ano 1981. Tamanho original: 8x7 cm.

 

Por umha nova greve geral contra a reforma laboral

Um autocolante tamanho meio folio da CIG reclamando umha nova greve geral e posicionando-se em contra das reformas laborais ultimas. Primeira decada de 2000. Tamanho original: 1/2 din A4 aprox. (15x21 cm.)

 

Greve estudiantil contra as agressons ao galego há 3 anos

Ha 3 anos exactos, um 26 de Novembro, convocava-se greve no ensino sob a legenda "Paremos as agressons contra o galego". Tratava-se dumha convocatória unitária por parte das organizaçons e sindicatos nacionalistas. O colante vem assinado, aparte de polos Comités e por Galiza Nova, pola recem constituida Mocidade pola Normalizacion Linguistica. Ano 2008. Tamanho original: 10x6,5 cm.

 

A esquerda sempre galega

Este autocolante de pequeno tamanho é de começos dos 80, pois Esquerda Galega como tal existiria desde 1980 ate 1984 quando se fusiona co PSG, passando a denominar-se PSG-EG. Anos 80. Tamanho original: 8,5x1,5 cm.

 

Mais um contra a violência de genero de Galiza Nova

Outra postagem para outro desenho de Galiza Nova que fai referência à celebraçom do Dia Internacional contra a violência de genero -autêntico terrorismo que causa mais mortes das que causarom as acçons armadas dos grupos independentistas, mas que paresce nom preocupar nem a metade ao governo espanhol-. Fazemos um chamamento a acudir aos actos que há convocados hoje para comemorar esta data. Primeira década de 2000. Tamanho original: 15x7,5 cm.

 

Que nom nos parem, revíra-te!

Agora é a Assembleia de Mulheres de Galiza Nova a organizaçom que tira à rúa outro desenho comemorativo desta data. O autocolante foi tirado para a campanha do 25-N do ano passado. Ano 2010. Tamanho original: 12x7 cm.

 

A VIIIª Assembleia Nacional de Galiza Nova

Nas últimas convocatórias do máximo órgao de decissom de Galiza Nova tenhem-se tirado autocolantes coma este, coa legenda da Assembleia. Este desenho circular corresponde a VIII Assembleia Nacional. Ano 1998. Tamanho original: 8x8 cm. (Circular)

 

Os CAF tenhem sentido

Aqui tedes um colante dos Comités de Estudantes quando ainda se chamavam CAF. Tirou-se para umhas eleiçons na Universidade de Compostela. Primeira década de 2000. Tamanho original: 10x4 cm.

 

O logotipo da CIG Metal

Se há umha Federaçom sindical com sona de combatividade, essa é a do sector siderometalúrgico. Quêm nom lembra, sem ir mais longe, a greve do metal de há uns anos na província de Ponte-Vedra. Aqui tedes o logo da CIG-Metal. Primeira década de 2000. Tamanho original: 10x6 cm.

 

Umha administraçom galega na unidade

Este é um autocolante das eleiçons sindicais na Administraçom de 1990. Naquela altura a CIG que hoje conhecemos ainda nom era "Confederacion" senom que a unidade entre a CXTG e a INTG que, depois acabariam fussionando-se e dando lugar a um sindicato único, recebía o nome de "Converxencia". O logotipo nos dous cassos é o mesmo, mas nom o nome. Naquela altura ainda existíam a CXTG e a INTG. Após meiados dos 90 o processo de unidade encetado daría lugar a Confederacion Intersindical Galega. Ano 1990. Tamanho original: 9x6,5 cm.

 

O Encontro Irmandinho de Beiras

Eis um colante da corrente organizada dentro do BNG liderada por Beiras, Encontro Irmandinho. No adesivo reivindicam umha Galiza soberana e socialista. Primeira década de 2000. Tamanho original: 12x8,5 cm.

 

O logotipo da Intersindical Nacional dos Traballadores Galegos

Se há uns dias subiamos um colante das mocidades da CXTG, hoje toca-lhe o turno ao outro sindicato que, após fussionar-se, daria lugar a actual CIG, trata-se da INTG. Anos 80. Tamanho original: 9,5x6,5 cm.

  

A nossa língua, a nossa naçom, Autodeterminaçom!

Um autocolante de Galiza Nova no que reivindica o usso da língua como distintivo da nossa naçom, para a que pide o exercício do dereito de autodeterminaçom. Primeira década de 2000. Tamanho original: 11,5x4,5 cm.
  

Proibido "donmanuel" Fraga

Achamos que hoje, 20-N eleitoral, e também um bom dia para subir este adesivo circular que cenifica o carinho que lhe temos por aqui ao grande de Espanha, ex-ministro de Franco e ex-führer da Galiza, dom Manuel Fraga. Primeira década de 2000. Tamanho original: 5x5 cm. (Circular)