Solidariedade feminista mundial

O 17 de Outubro de 2005 havia convocada a nível mundial umha jornada de luita das mulheres polas condiçons de opressiom que padezem em todo o planeta. A convocatória jurdia da Marcha Mundial das Mulheres que anos antes tivera o seu encontro internacional na Galiza, na cidade de Vigo. Ano 2005. Tamanho original: 20x7 cm.

 

Aborto, livre e na sanidade pública

Colante lilás cuadrado da Secretaria da Mulher do Partido Comunista Galego no que se reivindica o aborto livre e na sanidade pública. Primeira década de 2000? Tamanho original: 8x8 cm.

Dereitos laborais para as empregadas do fogar (e II)

Os 2 desenhos tenhem em comum o tamanho e a cor de fundo, em amarelo fosforescente, alem da tematica. Eis o segundo dos modelos. Primeira decada de 2000. Tamanho original: 10x4 cm.

 

Dereitos laborais para as empregadas do fogar (I)

Subimos nesta postagem e na seguinte um par de autocolantes que fam referencia ao trabalho das empregadas do fogar, exigindo a sua remuneraçom. Nom sabemos quem os editou, polo que pedimos a vossa colaboraçom para identificar a autoria dos mesmos. Primeira decada de 2000. Tamanho original: 10x4 cm.

  

Que nom nos contem contos: o patriarcado mata

Eis outro adesivo para este 25 de Novembro, nesta ocasiom editado pola CGT. Foi editado polo sindicato nas diferentes línguas que convivem no Estado. Ano 2011. Tamanho original: 15x10,5 cm.
  

Mais um contra a violência de genero de Galiza Nova

Outra postagem para outro desenho de Galiza Nova que fai referência à celebraçom do Dia Internacional contra a violência de genero -autêntico terrorismo que causa mais mortes das que causarom as acçons armadas dos grupos independentistas, mas que paresce nom preocupar nem a metade ao governo espanhol-. Fazemos um chamamento a acudir aos actos que há convocados hoje para comemorar esta data. Primeira década de 2000. Tamanho original: 15x7,5 cm.

 

Paremos o terrorismo machista!

Este adesivo de Nos-UP, com um desenho mui impactante, fai referência também à violência de género polo que é apropriado para o dia de hoje. Cremos lembrar que esta campanha da organizaçom independentista também coincidiría no tempo com um 25 de Novembro. Trata-se dum autocolante de grande tamanho. Primeira década de 2000. Tamanho original: 29,5x10,5 cm.

  

Que nom nos parem, revíra-te!

Agora é a Assembleia de Mulheres de Galiza Nova a organizaçom que tira à rúa outro desenho comemorativo desta data. O autocolante foi tirado para a campanha do 25-N do ano passado. Ano 2010. Tamanho original: 12x7 cm.

 

Hoje, 25 de Novembro: nada que celebrar

Hoje é 25 de Novembro, o Día Internacional contra a violência de género. Escolheu-se esta data em memoria das três irmás dominicanas Mirabal; estas activistas políticas forom assassinadas em 25 de Novembro de 1960 por ordem do ditador dominicano Rafael Leonidas. Deixamos-vos um colante da Rede Feminista Galega no que nos lembram que nom é esta umha data de celebraçom. Primeira década de 2000. Tamanho original: 21,5x8 cm.
  

Despenalizaçom do aborto, já!

E com o PP no governo um dos dereitos básicos da mulher como e o do aborto -que se reclama neste colante da CGT- corre sério perigo de ver-se recortado. Primeira década de 2000. Tamanho original: 11,5x8 cm.

 

Duas máximas no trato coas mulheres (e II)

Eis o segundo modelo, na mesma linha que o anterior. Ao nom vir assinados, nom sabemos com certeça quem os editou, mas cremos que algum colectivo feminista de Vigo, que cremos lembrar foi onde as conseguimos. Primeira década de 2000. Tamanho original: 14x2 cm.

 

Há que falá-lo

Um colante feito por Mulheres Nacionalistas Galegas para publicitar umhas Jornadas de autoestima e sexualidade para mulheres moças. Anos 90? Tamanho original: 10,5x7,5 cm.

 

Dia da mulher antimilitarista

Há uns dias um seguidor do blogue pujo-se em contacto com nós para pedir-nos um autocolante que ao parescer leva anos tentando conseguir e nom dava atopado. Tratava-se dum editado pola ANÁ há 15 anos ou mais no que saia umha mulher rompendo um fuzil e era de cor lilás. No nosso arquivo tinhamos este, também em lilás e editado pola ANÁ -junto com as MNG-. Duvidamos que seja este, pois aqui sai umha mulher que nom está a rachar o fuzil. Fazemos umha petiçom às nossas colaboradoras para que se sabem de que colante se tratar, contactem com nós, para conseguir o arquivo e poder satisfazer a demanda do nosso visitante. O que subimos corresponde aos actos comemorativos do Dia da Mulher Antimilitarista -24 de Maio- que tiverom lugar em Ourense. Ano 1999. Tamanho original: 20,5x10,5 cm.
  

Galiza tem nome de mulher

Este desenho sem assinar foi lançado desde o independentismo. Repressenta a luita feminista em chave nacional dumha maneira simples e clara. Primeira década de 2000. Tamanho original: 9x7 cm.
   

De qualquer jeito... somos lindas, somos mulheres!

Nom sabemos se seriam as Mulheres Nacionalistas Galegas ou algum colectivo feminista comarcal dos que existiam na Galiza a finais dos 90 quem pode estar trás a ediçom de este simpático exemplar feminista contra a opressom estética que padecem as mulheres. Anos 90. Tamanho original: 9x5,5 cm.
 

O primeiro em subir ao blogue das históricas MNG

As Mulheres Nacionalistas Galegas forom umha das organizaçons mais perseverantes de todo o tezido associativo. De facto, foi a única organizaçom que sobreviviu ao desmantelamento do MLNG de finais dos 80 e começos dos 90. Este exemplar é de tamanho mui pequeno, senom o mais pequeno dos que editárom. Anos 90? Tamanho original: 6,5x4,5 cm.

Lesbiana em práticas

Aqui temos um chamativo desenho que chama a transgredir a norma heterosexual de jeito divertido. Foi editado polo colectivo transgessor femininista, as Lerchas. Primeira década de 2000. Tamanho original: 14,5x10,5 cm.