Umha recopilaçom de autocolantes contra a guerra (IV)

Sem dúvida, os sindicatos forom os mais activos à hora de editar este tipo de adesivos. Aqui vos deixamos o da CIG coa tipografia que se vincula a este tipo de colantes antimilitaristas. Ano 2003. Tamanho original: 10,5x7,5 cm.

Os serviços minimos tambem apoiam a greve

Este colante tirou-no a CIG - Saude numha convocatória de greve que tivo lugar em 16 de Dezembro de 2009 na Sanidade. A finalidade do mesmo é clara: trata-se de identificar aos serviços minimos para nom confundi-los com esquirois. Ano 2009. Tamanho original: 14x5 cm.

 

A CIG num 1º de Maio

Este é o autocolante editado pola CIG para um dos últimos 1º de Maio no que aposta por um novo modelo economico e social que defenda o emprego, os dereitos e as prestaçons sociais. Primeira década de 2000. Tamanho original: 14,5x10,5 cm.

 

Por umha nova greve geral contra a reforma laboral

Um autocolante tamanho meio folio da CIG reclamando umha nova greve geral e posicionando-se em contra das reformas laborais ultimas. Primeira decada de 2000. Tamanho original: 1/2 din A4 aprox. (15x21 cm.)

 

O logotipo da CIG Metal

Se há umha Federaçom sindical com sona de combatividade, essa é a do sector siderometalúrgico. Quêm nom lembra, sem ir mais longe, a greve do metal de há uns anos na província de Ponte-Vedra. Aqui tedes o logo da CIG-Metal. Primeira década de 2000. Tamanho original: 10x6 cm.

 

Umha administraçom galega na unidade

Este é um autocolante das eleiçons sindicais na Administraçom de 1990. Naquela altura a CIG que hoje conhecemos ainda nom era "Confederacion" senom que a unidade entre a CXTG e a INTG que, depois acabariam fussionando-se e dando lugar a um sindicato único, recebía o nome de "Converxencia". O logotipo nos dous cassos é o mesmo, mas nom o nome. Naquela altura ainda existíam a CXTG e a INTG. Após meiados dos 90 o processo de unidade encetado daría lugar a Confederacion Intersindical Galega. Ano 1990. Tamanho original: 9x6,5 cm.

 

Trabalho digno, nom à precariedade

Autocolante circular editado polo sindicato nacionalista Confederación Intersindical Galega. Polo que se deduce da legenda, deveu ser editado nom há muito. Primeira década de 2000. Tamanho original: 9x9 cm. (Circular)
 

O mesmo colante da CIG com 1 pequena diferença (e II)

Aqui tedes o outro modelo. Como podedes apreciar a única pequena diferença co outro está em que este é das "Eleccions sindicais 94/95". Ano 1994. Tamanho original: 14,5x10,5 cm.

 

O mesmo colante da CIG com 1 pequena diferença (I)

Um colante da CIG do que, curiosamente, há 2 ediçons semelhantes. Os dous modelos som idénticos; só muda a legenda "Eleccions sindicais 94". Ano 1994. Tamanho original: 14,5x10,5 cm.
  

A CIG contra a Constituiçom europeia (tamanho pequeno)

Este é o pequeno. Aínda que poida parescer o mais normal, nom é mui comum que se eliminem cousas ou se quitem textos quando há vários tamanhos do mesmo modelo. Como veredes quando lhes toque ir subindo, as poucas ocasions em que se tiram 2 tamanhos vam ser iguais de todo. Ano 2005. Tamanho original: 10x7 cm.

 

A CIG contra a Constituiçom europeia (tamanho grande)

Em 2005 foi convocado no Estado espanhol um referendo sobre o Tratado que estabelecia umha Constituiçom para Europa. Os principais partidos espanhois solicitariam o "Sí", sabedores da desinformaçom reinante. Coa participaçom de menos da metade do censo ratificariam umha Constituiçom alheia aos interesses dos Povos e as pessoas. Na Galiza, o nacionalismo e o independentismo pediriam o "Nom", como fai a CIG nesta campanha, editando 2 colantes em tamanhos diferentes; o colante desta postagem é a versom grande na que sai a maiores tres linhas de texto enriba do "NON!!!" grande. Ano 2005. Tamanho original: 1/2 din A4 aprox. (21x14,5 cm.)
  

Debuxo de Xose Lois para 2 colantes de diferentes organizaçons(e II)

A outra organizaçom em tirar um adesivo co mesmo desenho do debuxante nacionalista ourensao foi a CIG. Neste modelo a única diferência co do BNG é a cor, mentres o do Bloque é a toda cor, este é a duas tintas. Ano 2011. Tamanho original: 12x8 cm.
  

O clássico logo da CIG em diferentes ediçons (e III)

Porfim, subimos o desenho mais recente entre os do logotipo circular que tem editado a CIG. Neste casso, as diferências som mais claras; neste autocolante publicíta-se a página web do sindicato nacionalista. Primeira década de 2000. Tamanho original: 10x10 cm. (Circular)
 

O clássico logo da CIG em diferentes ediçons (II)

Este é um modelo casse calcado ao anterior. Como comentavamos distingue-se na tonalidade do cor, mais nas letras de Confederación Intersindical Galega que, neste exemplar, som grisses no lugar de brancas e tenhem borde. Por último, este modelo é um pouco mais grande que o anterior. Primeira década de 2000. Tamanho original: 10x10 cm. (Circular)
 

O clássico logo da CIG em diferentes ediçons (I)

Eis duas versions diferentes do clássico autocolante sindical co logotipo que se adoita distribuir nas mobilizaçons nas que participa, para que a gente se identifique co seu sindicato. Subimos 2 versions mui semelhantes, que só os coleccionadores seriamos capaces de distinguir. Este modelo é mais pequeno que o próximo e tem umha tonalidade diferente. Anos 90? Tamanho original: 9,5x9,5 cm. (Circular)

 

Galiza em greve polo emprego e a solidariedade

Suponhemos que este autocolante da CIG editárom-no com motivo da última greve geral de 27 de Janeiro. O que mais nos surprende de este modelo é que o sindicato utilize a palavra Galicia, quando adoita ussar o autêntico nome galego do nosso País. Ano 2011. Tamanho original: 9,5x9,5 cm. (Circular)
 

CIG reclamando as pagas extras completas

Curioso adesivo este da CIG -o primeiro que publicamos deste sindicato- que subimos nesta postagem. Em estes tempos que correm, só paresce próprio da administraçom autonómica ou doutro sector do funcionariado fazerem este tipo de demandas tam justas, mas também tam inaccesíveis para as trabalhadoras de outros sectores laborais. Primeira década de 2000? Tamanho original: 19,5x6,5 cm.