Union Libertaria na crise do Prestige (e II)

Eis o segundo modelo tirado por Union Libertaria quando a crise do Prestige coa mesma mala qualidade co anterior. Este colectivo libertario centra o seu trabalho na comarca de Ferrolterra. Ano 2003. Tamanho original: 13,5x9 cm.

 

Union Libertaria na crise do Prestige (I)

A qualidade destes 2 autocolantes de Union Libertaria deixa muito que desejar, mas e assim como forom distribuidos, como se for a fotocopia de mui baixa qualidade. Os 2 desenhos tirarom-se apos a crise de Prestige. Neste exemplar, ainda que coste distingui-los, aparescem Fraga e el-Rey diante dumha voluntaria das milheiras que limpariam as praias coa legenda "Sempre pringam os mesmos". Ano 2003. Tamanho original: 13,5x9 cm.

 

Fora Cascos da Galiza!!

Para escárnio do Povo galego, após o desastre do Prestige e a nefasta gestiom do governo espanhol, o comisario politico nomeado polo Estado para afrontar a crise -Cascos- sería premiado coa concessom da Medalha Galiza. O autocolante denunciava esta burla. A medalha foi-lhe outorgada o 25 de Julho de 2004 e umha mobilizaçom independentista de desagravio que pretendia protestar por estes feitos, sería selvagemente reprimida. Ano 2004. Tamanho original: 11x6,5 cm.

 

Por dignidade, Galiza vota em negro

Vamos acabar fartas de tantas eleiçons, como na vida mesma. Assim que este é o último colante eleitoral do dia. Nas primeiras eleiçons após a catástrofe do Prestige, a organizaçom independentista Nós-UP fazia um chamado a boicotar as eleiçons introduzindo umhas papeletas iguais ao colante que vos mostramos e que foi tirado em 2 tamanhos. Ano 2003. Tamanhos originais: 28x10,5 cm. / 24x8,5 cm. (Vários tamanhos)
   

PPresrtige, a ruína do País (em fundo verde)

Eis a parelha do anterior. Agora que vai haver eleiçons é umha mágoa que a gente esqueça tam rápido o que fixo o Partido Popular quando tinha o Governo do Estado e o que se passou coa crise do Prestige ou o apoio à guerra do Iraque (e a todas as demais...). Porém e comprensível que a gente queira castigar à política anti-obreira de quem se fai chamar "socialista". Ano 2003. Tamanho original: 29,5x6 cm. (Várias cores)

 

PPresrtige, a ruína do País (em fundo laranja)

Outra vez os Comités de Solidariedade com América Latina contra o PP, outra vez o chamativo papel fosforescente (ainda que nesta postagem nom se aprecie bem a tonalidade do laranja) e outra vez a temática referida ao desastre do Prestige de fundo. Também outra vez, várias cores para umha mesma legenda. Ano 2003. Tamanho original: 29,5x6 cm. (Várias cores)

 

Prestige: atentado terrorista contra a Galiza

Primeira postagem na que subimos um colante relativo à crise do Prestige. Neste caso tratra-se dum adesivo de Nós-UP no que responsabiliça ao Governo espanhol e a Junta da Galiza da catástrofe ambiental. Ano 2003. Tamanho original: 14,5x10,5 cm.