As Meigas pola Independencia e o Socialismo

Aqui tedes um autocolante editado por um colectivo feminista, activo nos anos 90 em Ourense, no que se reclamava independencia e socialismo. Anos 90. Tamanho original:

Festeja em galego

Este colante foi mui popular a começos dos 90, pola distribuiçom maçiça que fijo Meendinho. Eram os anos de mais actividade deste grupo reintegracionista ourensao, que co seu trabalho chegava a todo o Pais. Anos 90. Tamanho original: 14x9 cm.

 

O 20-N, a mocidade contra o fascismo (e II)

Os 2 desenhos de bono-ajuda que vos amossamos correspondem à mesma convocatória, que nós situamos em 2000, aínda que poderiam ser, também, da convocatória do ano anterior. Como vedes os autocolantes som mui semelhantes, aínda que nesta nova remessa a diferença é que os dados da convocatória (manifestaçom nacional e concerto) já estám concretados e como tal, aparescem no modelo que subimos desta vez. Ano 2000? Tamanho original: 20x6,5 cm.

 

O 20-N, a mocidade contra o fascismo (I)

Desde a morte do ditador, o alcalde do PP de Beade (Ribeiro) organizava em 20 de Novembro umha missa por Franco à que acudiam nostálgicas do régimem e desde finais dos 90 também acudiriam as moças antifascistas da AMI até conquerir que a missa deixa-se de celebrar-se. Ano 2000? Tamanho original: 20x6,5 cm.

 

Eleitorais da jornada: o Carrabouxo para o BNG de Ourense (e III)

Terceiro e último modelo de Xosé Lois, o Carrabouxo, no que aparesce a candidata do BNG caricaturizada nesta ocassiom apostando pola criaçom de riqueça na cidade. Ano 2011. Tamanho original: 15x10 cm.
  

Eleitorais da jornada: o Carrabouxo para o BNG de Ourense (II)

Aqui vai o segundo modelo que corresponde às eleiçons municipais deste ano e no que sai a candidata do BNG à alcaldia de Ourense, Isabel Perez. Ano 2011. Tamanho original: 15x10 cm.

 

Eleitorais da jornada: o Carrabouxo para o BNG de Ourense (I)

Seguimos aproveitando a campanha eleitoral para subir ao blogue postagens que estejam relacionados com isto. Hoje traemos umha mini-série elaborada por Xosé Lois, o Carrabouxo, para pedir o voto pola candidata à alcaldia de Ourense do BNG. Ano 2011. Tamanho original: 15x10 cm.

 

Marcha nova na zona velha de Ourense

Este colante atribuimos-lho aos colectivos reintegracionistas mui activos afinais dos anos 80 e durante os anos 90 nesta cidade do Sul do País. Cremos que poderia ser obra de Meendinho, mas nom temos a certeça. Parez que se trata dumha pequena guia galeguizada de locais nocturnos de lazer. Os colectivos reintegracionistas ourensaos forom pioneiros na socializaçom e normalizaçom da nossa grafia histórica. Anos 90. Tamanho original: 16x12 cm.
  

Desenhos mui parecidos do Komando Burundi de Ourense (e II)

Aqui temos outra versom quase igual à anterior; ainda que esta é mais recente já que acaba de sair do forno. Neste caso é em papel colante de mais baixa qualidade, polo que nom se apreça o brilho que si tem o adesivo anterior. Também se difereça no tamanho: este é mais grande que o primeiro, e também som mais grandes as letras em "Antinazis Ourense". Ano 2011. Tamanho original: 9x7,5 cm.
 

Desenhos mui parecidos do Komando Burundi de Ourense (I)

Subimos, a continuaçom, dous modelos quase idénticos do Komando Burundi. Estes antinazis ourensaos movem-se entre o futebol -apoiando ao Ourense- e a música -organizando multidom de bolos na sua cidade-. Este modelo é mais antigo e de melhor qualidade que o seguinte. Primeira década de 2000. Tamanho original: 8x5 cm.
  

Nom à repressom nos campos de fútebol

Já sabemos que dentro do Estado espanhol o Real Madrid de fútebol, ademais do consabido "pam e circo", é toda umha instituiçom. Porém, o moço que num encontro da sua equipa, o Ourense, co Real Madrid C ocurriu-se-lhe berrar "puta Madrid, puta Espanha" nom debia saber até onde chegava o seu atrevimento. Este autocolante, desenhado polo jovem tirou-se para ajudar a pagar a sançom de 3000 euros que lhe foi imposta e denunciarem os feitos. Primeira década de 2000. Tamanho original: 15x10,5 cm.
 

Um que segue estando de actualidade

Se já temos traído a estas páginas a opossiçom à guerra em Líbia do nacionalismo, hoje toca-lhe o turno ao anarquismo. O autor do adesivo é o Kolectivo Trapo Negro, um grupo anarquista da cidade das Burgas. Ano 2011. Tamanho original: 10x7 cm.

  

Hoje, mobilizaçons em defesa da Sanidade Pública

Hoje há convocadas pola Plataforma SOS sanidade pública dez concentraçons às 8 da tarde nas principais cidades do País. Esta Plataforma unitária está integrada por todas as plataformas em defesa da sanidade pública e é a mesma que  convocou mobilizaçons recentemente em Ourense com grande sucesso. Ano 2011. Tamanho original: 8x8 cm. (Circular)