Boicote a McDonals

Outro colante contra o McDonals no que desenmascaram a multinacional e acussam-na de expólio às trabalhadoras e ao meio ambiente; como dim no adesivo: enganam à gente. Anos 90. Tamanho original: 9,5x5,5 cm.

 

Anónima ou assinada, solidariedade com Palestina (e II)

Aqui o tedes, o mesmo autocolante co mesmo desenho e o mesmo tamanho, mas este assinado por Nós-Unidade Popular. Por se fora pouco, os 2 editarom-se aproximadamente na mesma época. Primeira década de 2000. Tamanho original: 14,5x10 cm.

 

Anónima ou assinada, solidariedade com Palestina (I)

Que todo se cópia temo-lo claro, ademais co coleccionismo de colantes é fácil de comprovar. Mas, aínda assumindo a falta de exclussividade dalguns modelos, há colectivos que se preocupam mais que outros em dissimular a falta de originalidade. Nom é o casso que nos ocupa. Primeira década de 2000. Tamanho original: 14,5x10 cm.

 

Galiza, Palestina: dous Povos, umha mesma luita

Subimos nesta postagem um colante solidário coa causa palestina, que sem saber quem esta detrás da sua ediçom podemos aventurar que algum espontaneo, pois é bastante rudimentário e pola qualidade do papel nom paresce editado a imprensa. Anos 90. Tamanho original: 8x6 cm.

 

Pátria ou morte!

É mui comum que as organizaçons que se autoproclamam revolucionárias fagam usso da figura do Ché nas suas campanhas ou no material editado por elas. Neste casso é Agir a organizaçom que utiliza esta popular foto do Ché apontando coa sua pistola. Poderia ser que fora editado no 50 aniversário da Revoluçom cubana, mas nom o temos confirmado. Primeira década de 2000. Tamanho original: 14,5x7 cm.

 

Avante a intifada! (em fundo verde)

Os 2 adesivos som idênticos de nom ser pola cor de fondo, neste modelo em cor verde fosforescente. Os Comités de Solidariedade com América Latina expressavam o seu apoio à conhecida como segunda intifada, que transcorreria de 2000 a 2005. Primeira década de 2000. Tamanho original: 29,5x5 cm. (Varias cores)

 

Avante a intifada! (em fundo branco)

Eis outro autocolante do COSAL com fundo em várias cores; por um lado o clássico verde fosforescente, mais em branco. Nesta ocasiom trata-se de dar apoio a intifada palestiniana. Primeira década de 2000. Tamanho original: 29,5x5 cm. (Varias cores)

 

...preparando!

Este adesivo foi tirado na época do Prestige e da guerra na que meteu o Partido Popular ao Estado espanhol. Os ganhadores de onte, som aqueles que em 2004 manipularom sobre a autoria dos atentados do 11-M em Madrid, acussando à ETA, para nom perder apoio eleitoral. Esses e essas som os que vam governar apartir de agora. Ano 2004? Tamanho original: 10x8 cm.
  

AMI solidária com Palestina (em fundo vermelho)

Aí vos vai o colante na outra cor que temos, em vermelho. Aínda que nom sejades conscientes, temos que dizer que estas cores fosforescentes tenhem um tom algo diferente no computador que nom tenhem na realidade. Isto déve-se à dificultade que tem o scaner e os programas informáticos de tratamento de imagens para trabalhar com cores fosforescentes. Porém, a diferência nom é grande cousa, mas as que conhezades as originais, si que vos daredes conta. Primeira década de 2000. Tamanho original: 10,5x5 cm. (Varias cores)
  

AMI solidária com Palestina (em fundo laranja)

Aqui vam outros 2 adesivos da AMI em diferentes cores fosforescentes. O motivo do autocolante é amossar a solidariedade co Povo palestiniano. Primeira década de 2000. Tamanho original: 10,5x5 cm. (Varias cores)
  

A Mocidade Galega pola Paz

Aqui vai um bono-ajuda da Mocidade Galega pola Paz, plataforma unitária integrada por várias organizaçons de mocidade. Primeira década de 2000. Tamanho original: 13x7,5 cm.

 

Paremos a guerra imperialista

Máis umha de Nós-UP, das muitas que temos contra a guerra de Iraque, apoiada polo Estado espanhol baixo a responsabilidade do governo de Aznar. Ano 2003. Tamanho original: 11x9 cm.
  

Dous do COSAL contra a guerra de Iraque (e II)

Neste outro desenho do COSAL reproduzem o que foi umha consigna dos movimentos populares nestes anos de governo do Partido Popular; anos que estiverom marcados pola guerra de Iraque e pola catástrofe do Prestige. Ano 2003. Tamanho original: 21x6,5 cm.
  

Dous do COSAL contra a guerra de Iraque (I)

Apesar de nomear-se Comité de Solidariedade com América Latina (COSAL), na prática exercíam um Internacionalismo muito máis amplo, com todos os povos em conflicto co imperialismo. Neste casso subimos duas postagens que fam referência à intervençom espanhola no Iraque. Ano 2003. Tamanho original: 21x7 cm.
  

Nom som cooperantes, som ocupantes! (em fundo vermelho)

Coa legenda "Nom som cooperantes, som ocupantes!" a Assembleia Antiimperialista de Vigo, integrada por diversas organizaçons e pessoas a título pessoal, denunciava a hipocrisia coa que adoitam disfarçar estas intervençons militares imperialistas do capitalismo mundial. Ano 2006. Tamanho original: 12,5x9,5 cm. (Varias cores)
  

Nom som cooperantes, som ocupantes! (em fundo azul)

Em 2006, coincidindo coa participaçom espanhola nas intervençons armadas em Líbano e Afeganistam, organizou-se umha resposta popular desde os movimentos sociais contrários a participaçom do Estado nesta intervençom do imperialismo. Deixamos-vos 2 modelos paridos desde esses movimentos, em diferentes cores, neste casso em azul. Ano 2006. Tamanho original: 12,5x9,5 cm. (Varias cores)

 

Contra o império da Coca-Cola e as hamburguesas

Será isto o que se agocha trás o sorriso do palhaço do McDonals? Bem poderia ser assim, se temos em conta que também por trás das burbujas da felicidade que nos vende Coca-Cola estám os assassinatos e coaçons a sindicalistas sudamericanos. Paremos a instalaçom de multinacionais sem escrúpulos na nossa Terra. Primeira década de 2000. Tamanho original: 12,5x9,5 cm.

Um que segue estando de actualidade

Se já temos traído a estas páginas a opossiçom à guerra em Líbia do nacionalismo, hoje toca-lhe o turno ao anarquismo. O autor do adesivo é o Kolectivo Trapo Negro, um grupo anarquista da cidade das Burgas. Ano 2011. Tamanho original: 10x7 cm.

  

Solidariedade galega coa República Saaraui

Pequeno exemplar de Galiza Nova em solidariedade com Aminatou Haidar. Foi editado em 2009 como puidemos saber gracias às aclaraçons dos nossos colaboradores, pois antes de este ano nós nunca souberamos del, mas no comentário tedes a resposta a quando se publicou. Ano 2009. Tamanho original: 12x4 cm.
  

Os 5 heroes de Cuba

Ao parescer recentemente um dos 5 cubanos presos injustamente em E.E. U.U. saiu em liberdade há poucas semanas. Se bem a liberdade nom foi completa, pois terá que passar 3 anos mais no País, antes de poder viajar a Cuba e reunir-se cos seus. Eis um autocolante da XCG que denúncia a situaçom destes patriotas. Primeira década de 2000. Tamanho original: 10,5x7,5 cm.