Melhor Camilo Nogueira

E coa colaboraçom da mesma pessoa que no anterior -o do BNG redondo-, puidemos confirmar que este colante é de 1987 de quando Camilo Nogueira se apresentou polo PSG-EG à alcaldia de Vigo e nom de quando se apresentou às eleiçons ao Parlamento galego nos 80 saíndo elegido. Ano 87. Tamanho original: 11x5 cm.

 

No dia do dérbi, umha mais das siareiras de Vigo

Porfim, trás mais de 5 anos sem enfrontar-se o Celta contra o Depor, hoje é o grande dia. Nas duas hinchadas houvo agrupaçons integradas nos Siareiros Galegos. Em Vigo, os Celtarras decidirom integrar-se desde o começo nesta cordenadora de siareiras que se constituiu em 1996 para reivindicar o direito às nossas selecçons nacionais. Primeira década de 2000. Tamanho original: 15x10,5 cm.

 

Quentando motores para o dérbi em Vigo

E bem seguro que a hinchada viguesa também está desejosa de que chegue o grande dia, apesar de que neste partido joguem em território rival. Há muitas ganas de ver-se as caras e seguro que o Celta nom estará só em Riazor. Ano 2011. Tamanho original: 16,5x11,5 cm.
  

Se ti nom falas, se ti nom berras, Galiza morre!

Subimos desta vez um colante do Foro da Mocidade de Vigo. Umha plataforma juvenil comarcal cujos principais logros forom a convocatória de duas greves no ensino de Vigo, em 2008 e em 2009, reclamando um ensino galego e o direito a estudar na nossa língua. Ano 2009? Tamanho original: 11x10 cm.
 

Nom som cooperantes, som ocupantes! (em fundo vermelho)

Coa legenda "Nom som cooperantes, som ocupantes!" a Assembleia Antiimperialista de Vigo, integrada por diversas organizaçons e pessoas a título pessoal, denunciava a hipocrisia coa que adoitam disfarçar estas intervençons militares imperialistas do capitalismo mundial. Ano 2006. Tamanho original: 12,5x9,5 cm. (Varias cores)
  

Nom som cooperantes, som ocupantes! (em fundo azul)

Em 2006, coincidindo coa participaçom espanhola nas intervençons armadas em Líbano e Afeganistam, organizou-se umha resposta popular desde os movimentos sociais contrários a participaçom do Estado nesta intervençom do imperialismo. Deixamos-vos 2 modelos paridos desde esses movimentos, em diferentes cores, neste casso em azul. Ano 2006. Tamanho original: 12,5x9,5 cm. (Varias cores)

 

Vigo working class

Este e um dos modelos que fazia o nosso amigo Chusmita da tenda viguesa A pola na póla. Forma parte de umha série que iremos subindo aos poucos ao nom guardar muita relacçom as umhas coas outras, mais que o tamanho. Primeira década de 2000. Tamanho original: 9x9 cm.
 

Tu serás do Celta...

Bom, estavamos duvidando se subir os futeboleiros ou nom, mas pensamos que muitos, coma este, merescem a pena. Evitaremos subir os que tenham algum conteúdo dos proibidos pola política do blogue, entre os que também se atopa o localismo. Primeira década de 2000. Tamanho original: 9x6,5 cm.