Outro 1º de Maio para a CGT

Hoje subimos ao blogue outro colante da CGT editado para um 1º de Maio. Como noutras campanhas deste sindicato, este autocolante foi tirado nas diferentes linguas do Estado. Primeira decada de 2000. Tamanho original: 12x8 cm.

 

Que nom nos contem contos: o patriarcado mata

Eis outro adesivo para este 25 de Novembro, nesta ocasiom editado pola CGT. Foi editado polo sindicato nas diferentes línguas que convivem no Estado. Ano 2011. Tamanho original: 15x10,5 cm.
  

Liberdade presas políticas enfermas!

Eis o colante da campanha que está a desenvolver o Socorro Rojo Internacional em todo o Estado, pola que se exige o cumplimento da própria legalidade espanhola e que as pessoas gravemente enfermas poidam saír em liberdade. Ano 2011. Tamanho original: 15x10,5 cm.
  

A tua ferramenta de luita

Um desenho mui bonito da CNT para um 1º de Maio. Nom sabemos de que ano se trata polo que apelamos de novo a vossa colaboraçom para data-lo. Primeira década de 2000? Tamanho original: 14x10 cm.

 

Serviços mínimos da CGT na greve geral do 29 de Setembro

Este e o outro modelo do que vos falavamos na anterior postagem, o que se fai nas greves para identificar aos serviços mínimos e já de passo, aclarar o apoio a greve da portadora do autocolante. Ano 2010. Tamanho original: 11x8 cm.

 

Piquetes da CGT na greve geral do 29 de Setembro

É a primeira ocassiom em que subimos um colante de estas características, mas som mui habituais quando ha algumha convocatória de greve. Trata-se de adesivos tirados polas centrais sindicais para identificar às integrantes de piquetes informativas ou as pessoas que estam de serviços minimos. Ano 2010. Tamanho original: 11x8 cm.

 

Despenalizaçom do aborto, já!

E com o PP no governo um dos dereitos básicos da mulher como e o do aborto -que se reclama neste colante da CGT- corre sério perigo de ver-se recortado. Primeira década de 2000. Tamanho original: 11,5x8 cm.

 

Olho coas empresas que lesionam nossos dereitos

Outro colante que tirou a CNT, aínda que venha sem assinar. De feito, hai-no editado noutras línguas das que se falam no Estado. Os destinatários do autocolante já podedes imaginar quêm som. Primeira década de 2000? Tamanho original: 15x10,5 cm.

 

Ante a crise, EU pede o voto para as eleiçons europeias

Aqui temos a Esquerda Unida pedindo o voto "polos nossos dereitos", autoproclamando-se "a tua voz em Europa", para as últimas eleiçons europeias. Ano 2009. Tamanho original: 12x10 cm.

 

PCPE também a pedir-nos o voto

Toca-lhe o turno ao Partido Comunista dos Pobos de España antes de que começaram a empregar de engádego a denominaçom de Comunistas da Galiza. Este colante grande -mui no estilo dos do PCPE- corresponde a última convocatória de eleiçons europeias, ano no que este partido fazia seu vigésimo-quinto aniversário como podedes apreciar na piruleta que sai na foto. Ano 2009. Tamanho original: 1/2 din A4 aprox. (21x15 cm.)
   

A túa gente. O teu voto

Aqui outro de campanha eleitoral, mas para este pedimos-vos a vossa ajuda, pois nom sabemos com certeza a que convocatória de eleiçons corresponde esta campanha de Esquerda Unida. Cremos que poderiam ser as municipais e autonómicas -nalgumhas comunidades do Estado espanhol, nom na Galiza-. Ano 2003? Tamanho original: 10,5x7 cm.

 

Um colante co logo dos GRAPO

Este autocolante conseguímo-lo nos anos 90 e foi distribuído na Galiza. Corriam outros tempos e a organizaçom armada antifascista estava mui activa. É sabido por todas que esta organizaçom tivo nos seus começos algumhas zonas da Galiza como canteira de novas militantes e aínda hoje muitas das suas militantes presas som de origem galega. Anos 90. Tamanho original: 11,5x9,5 cm.
  

Greve geral contra a guerra do Iraque

Em 2003 houvo umha convocatória de greve geral no Estado espanhol, também na Galiza, a convocatória partiu dos sindicatos estatais, salvo CCOO e foi apoiada também polo sindicalismo nacionalista e anarquista, como vemos aqui. Ano 2003. Tamanho original: 11x8 cm.
 

Ti mesmo...

A CNT fijo esta campanha advertindo das empresas que nom pagavam horas extras. Um desenho mui simples a branco e preto com umha legenda ainda mais simples e directa. Primeira década de 2000. Tamanho original: 14,5 x 10,5 cm.

CGT comemorando o 1º de Maio

Grácias às colaboraçons das nossas amigas que pouco a pouco vam chegando, podemos datar co ano exacto este autocolante da CGT. Quando vejades comentários nas postagens pode ocorrer, como é o casso, que o texto original sufra algumha modificaçom e as correçons dos comentários deixem de ter sentido, ao ter sido feitas sobre o texto principal. Ano 2006. Tamanho original: 11x8 cm.
 

Um do PCPE de agora, comunistas da Galiza

Após a ruptura, o PCPE tivo que renunciar à marca anterior para seguir funcionando no País. Porém, nom renunciou a utiliçar a denominaçom espanhola na Galiza, isso sim, acompanhando-a da denominaçom genérica de Comunistas da Galiza. Este auto-colante é outro modelo tamanho médio fólio; o PCPE é mui dado a empregar este tamanho a cotio, sempre que fam umha campanha, já sejam greves, eleiçons, etc. Primeira década de 2000. Tamanho original: 1/2 din A4 aprox. (20x14,5 cm.)
 

O PCPG quando era o PCPE na Galiza

Nom sabemos o ano exacto ao que corresponde este 1º de Maio, mas naquela altura o PCPG que hoje integra plataformas autodeterministas era a filial galega do Partido Comunista dos Povos da Espanha. De facto, este mesmo modelo foi editado e assinado polo PCPE em outras partes do Estado. Primeira década de 2000. Tamanho original: 1/2 din A4 aprox. (20x14,5 cm.)
 

Os culpáveis da crise viajam em iate, nom em patera

 Em muitas partes do primeiro mundo, nas que a cidadania está saíndo à rúa para protestar contra os banqueiros e os recortes sociais, pode-se ver a legenda do colante portada em faixas, cartazes e outros soportes. Umha missiva da esquerda, esta, que pretende que tenhamos presente que nom há que buscar inimigos na nacionalidade, senom na classe. Editado, em conjunto, pola Xuventude Comunista Galega e o Partido Comunista Galego. Ano 2010? Tamanho original: 15x10 cm.

Abaixo o Estado terrorista!

Umha das legendas mais utilizadas polo Partido Comunista de Espanha (Reconstituido). Sempre estiverom mui activas em território galego até que forom ilegalizadas pola Audiência Nacional. Anos 90. Tamanho original: 18x10 cm.

Energia nuclear? Nom, obrigado

Após o acidente nuclear em Fukushima, reavivou-se o movememto anti-nuclear em todo o mundo, e Galiza nom ia ser a excepçom. Estoutro autocolante da CGT, também editado nas outras línguas do Estado assím o confirma. É também, o primeiro colante subido ao blogue de um desenho utilizado em dous tamanhos diferentes, algo bastante frequente. Ano 2011. Tamanhos originais: 15x10,5 cm. / 10,5x7 cm. (Vários tamanhos)