Espanha fora da nossa Terra!

Eis um autocolante, semelhante a um cartaze, editado pola Assembleia da Mocidade Independentista para a campanha com o mesmo nome, que chamava a retirada de simbologia espanhola das ruas do nosso Pais. Primeira decada de 2000. Tamanho original:

Umha recopilaçom de autocolantes contra a guerra (I)

Começamos esta recopilaçom de autocolantes contra a guerra de diferentes organizaçons com um tirado pola organizaçom juvenil Galiza Nova. Ano 2003. Tamanho original: 9x6,5 cm.
 

Mocidade, compromisso, luita

Bonito adesivo das mocidades do BNG, Galiza Nova, no que se reivindicam como o futuro da Galiza. Esta organizaçom é das mais activas na ediçom de autocolantes do País. Primeira década de 2000. Tamanho original: 14x5,5 cm.

 

Ence fora da Galiza

Este modelo foi tirado pola Assembleia da Mocidade Independentista coincidindo com umha das grandes mobilizaçons nacionais que tem havido na cidade do Leres para exigir o desmantelamento da celulose. Primeira década de 2000. Tamanho original: 15x10,5 cm.

 

Libertando Galiza, o independentismo, avança

Convocatoria unitaria de finais dos 90 para o Dia da Patria. Apos varios anos convocando a FPG por um lado e a AMI polo outro em 25 de Julho, AMI começava os contactos com outros sectores do independentismo de cara a reorganizaçom. Esta convocatoria do Dia da Patria seria a primeira unitaria em varios anos e que cada ano iria integrando novas corrientes e fazendo-se mais ampla. O cartaz da convocatoria era igual que o colante. Ano 1998. Tamanho original: 11,5x8 cm.

  

Espanha repreme a defesa da terra

Deixamos-vos um bono-ajuda tirado pola AMI afinais dos 90 em solidariedade com 3 moços independentistas detidos anos antes em Ponte-Vedra quando participavam numha mobilizaçom em solidariedade com 2 vizinhos -1 de eles, um independentista- julgados por participar nas mobilizaçons em contra da instalaçom dumha empacotadora em Vila-Boa. Ano 1999. Tamanho original: 14,5x9,5 cm.

 

AMI pola autodeterminaçom

Um outro bastante simples no desenho tirado pola AMI. Nom e mui comum nas organizaçons independentistas empregar a palavra "autodeterminaçom" no lugar da de "independencia". Primeira decada de 2000? Tamanho original: 21x4 cm.

 

Greve estudiantil contra as agressons ao galego há 3 anos

Ha 3 anos exactos, um 26 de Novembro, convocava-se greve no ensino sob a legenda "Paremos as agressons contra o galego". Tratava-se dumha convocatória unitária por parte das organizaçons e sindicatos nacionalistas. O colante vem assinado, aparte de polos Comités e por Galiza Nova, pola recem constituida Mocidade pola Normalizacion Linguistica. Ano 2008. Tamanho original: 10x6,5 cm.

 

Eu estou contra a lei do botelhom! (em fundo laranja)

Como acontece com um bom numero de colantes tirados pola AMI, este exemplar editaria-se nas cores vermelha e laranja fosforecentes; duas das cores que de adoitavam empregar em este tipo de autocolantes mais singelos. Primeira década de 2000. Tamanho original: 9,5x5 cm. (Varias cores)

 

Eu estou contra a lei do botelhom! (em fundo vermelho)

Campanha da AMI contra a polémica "Lei do botelhom". Sem pretender fomentar o consumo de alcool, a AMI denunciava que por trás desta lei o que se castigava era estar na rúa, a socializaçom dum ocio popular e nom consumista; o que se pretendia no fundo era empujar-nos para os bares e os locais "legalizados" polo Estado para suministrar-nos a bebida, resultando assim mais beneficioso para as suas arcas. Primeira década de 2000. Tamanho original: 9,5x5 cm. (Várias cores)
  

Mais um contra a violência de genero de Galiza Nova

Outra postagem para outro desenho de Galiza Nova que fai referência à celebraçom do Dia Internacional contra a violência de genero -autêntico terrorismo que causa mais mortes das que causarom as acçons armadas dos grupos independentistas, mas que paresce nom preocupar nem a metade ao governo espanhol-. Fazemos um chamamento a acudir aos actos que há convocados hoje para comemorar esta data. Primeira década de 2000. Tamanho original: 15x7,5 cm.

 

Que nom nos parem, revíra-te!

Agora é a Assembleia de Mulheres de Galiza Nova a organizaçom que tira à rúa outro desenho comemorativo desta data. O autocolante foi tirado para a campanha do 25-N do ano passado. Ano 2010. Tamanho original: 12x7 cm.

 

A VIIIª Assembleia Nacional de Galiza Nova

Nas últimas convocatórias do máximo órgao de decissom de Galiza Nova tenhem-se tirado autocolantes coma este, coa legenda da Assembleia. Este desenho circular corresponde a VIII Assembleia Nacional. Ano 1998. Tamanho original: 8x8 cm. (Circular)

 

Os CAF tenhem sentido

Aqui tedes um colante dos Comités de Estudantes quando ainda se chamavam CAF. Tirou-se para umhas eleiçons na Universidade de Compostela. Primeira década de 2000. Tamanho original: 10x4 cm.

 

Pátria ou morte!

É mui comum que as organizaçons que se autoproclamam revolucionárias fagam usso da figura do Ché nas suas campanhas ou no material editado por elas. Neste casso é Agir a organizaçom que utiliza esta popular foto do Ché apontando coa sua pistola. Poderia ser que fora editado no 50 aniversário da Revoluçom cubana, mas nom o temos confirmado. Primeira década de 2000. Tamanho original: 14,5x7 cm.

 

C. Luis Rodriguez, jornalista de "El Correo Gallego": manipulador!

Nom se conserva em mui bom estado este autocolante em papel laranja fosforescente adicado ao "jornalista" de El correo gallego. Nom é o único autocolante editado polo independentismo contra este meio reaccionário, mas si é o único dos que temos que aponta directamente contra um jornalista em particular. Primeira década de 2000. Tamanho original: 15x10,5 cm.

 

O PP contra a mocidade, a mocidade contra o PP (e II)

Aquí tedes outro exemplar de essa mesma campanha. Nesta ocassiom, a mocidade joga coa legenda da campanha de Aznar que reça "Vamos a mais" e que na foto do colante sai de fondo aparescendo em primeira linha um par de pro-distúrbios. Ano 2002? Tamanho original: 9,5x9 cm.

 

O PP contra a mocidade, a mocidade contra o PP (I)

Esta foi a legenda empregada por AMI para desenvolver umha campanha contra a política do PP na época de Aznar, quando o PP se prodigava em reformas legislativas repressivas cara a mocidade. Ano 2002? Tamanho original: 17x7 cm.

 

A mocidade por umha Galiza em galego

Aqui tedes outro colante da AMI de grande tamanho; é a metade dum din A4, mas ao longo do papel. A Assembleia da Mocidade Independentista adoitava tirar muitos colantes neste formato. Primeira década de 2000. Tamanho original: 29,5x10,5 cm.

 

A Asemblea de Estudantes contra a LOU

Coincidindo coa reforma da LOU e as mobilizaçons que se vivirom esses anos na Universidade, a Asssemblei Geral de Estudantes tivo um papel determinante nessas mobilizaçons, como organizaçom integradora de todo o estudantado. Primeira década de 2000. Tamanho original: 12x7 cm.