A CIG num 1º de Maio

Este é o autocolante editado pola CIG para um dos últimos 1º de Maio no que aposta por um novo modelo economico e social que defenda o emprego, os dereitos e as prestaçons sociais. Primeira década de 2000. Tamanho original: 14,5x10,5 cm.

 

Outro 1º de Maio para a CGT

Hoje subimos ao blogue outro colante da CGT editado para um 1º de Maio. Como noutras campanhas deste sindicato, este autocolante foi tirado nas diferentes linguas do Estado. Primeira decada de 2000. Tamanho original: 12x8 cm.

 

Pola paz e o trabalho, a CUT num 1º de Maio

Este autocolante foi tirado pola CUT com motivo dum 1º de Maio com a legenda "Pola paz e o trabalho". O desenho é bastante simples, limitando-se a aparescer o logotipo junto coa legenda já citada. Primeira década de 2000. Tamanho original: 9,5x9,5 cm.

 

A tua ferramenta de luita

Um desenho mui bonito da CNT para um 1º de Maio. Nom sabemos de que ano se trata polo que apelamos de novo a vossa colaboraçom para data-lo. Primeira década de 2000? Tamanho original: 14x10 cm.

 

Galiza Nova contra o paro juvenil e a precariedade

Nom estamos seguros, mas cremos que este colante tirou-se o ano passado coa legenda de Galiza Nova para comemorar o 1º de Maio de esse ano. A ver se alguém nos pode confirmar que estamos no certo. Ano 2010? Tamanho original: 12x8 cm.

 

CGT comemorando o 1º de Maio

Grácias às colaboraçons das nossas amigas que pouco a pouco vam chegando, podemos datar co ano exacto este autocolante da CGT. Quando vejades comentários nas postagens pode ocorrer, como é o casso, que o texto original sufra algumha modificaçom e as correçons dos comentários deixem de ter sentido, ao ter sido feitas sobre o texto principal. Ano 2006. Tamanho original: 11x8 cm.
 

O PCPG de hoje, um partido galego e soberanista

Este outro 1º de Maio é o deste ano e como já contavamos, o PCPG, ainda que conserve o mesmo nome e logotipo, hoje é um partido independente, que nom garda relaçom nemgumha com o PCPE. As camaradas hoje integram Causa Galiza e vários foros de reconstrucçom comunistas em chave nacional. Ano 2011. Tamanhos originais: 20x10 cm. / 15,5x7,5 cm. (Vários tamanhos)

O PCPG quando era o PCPE na Galiza

Nom sabemos o ano exacto ao que corresponde este 1º de Maio, mas naquela altura o PCPG que hoje integra plataformas autodeterministas era a filial galega do Partido Comunista dos Povos da Espanha. De facto, este mesmo modelo foi editado e assinado polo PCPE em outras partes do Estado. Primeira década de 2000. Tamanho original: 1/2 din A4 aprox. (20x14,5 cm.)